McKinstry yamahamagaye abakinnyi 26 mu mwiherero w’iminsi 10

Yanditswe na Admin ku wa 17.07.2015 saa 14:35 | Yasuwe : 623

Umutoza w’ikipe nkuru y’igihugu, Johnathan Brian McKinstry yahamagaye abakinnyi 26 mu mwiherero w’iminsi 10 ugomba gutangira kuri iki cyumweru kuri Hoteli La Palisse I Nyandungu.Uyu mwiherero uzaba utegura imikino ibiri mpuzamahanga ya gicuti n’amakipe ya Nigeria na Afurika y’epfo.

Niba nagihindutse, biteganyijwe ikipe y’u Rwanda ya CHAN izakina n’ikipe ya Olempike ya Nigeria tariki 25/07/2015 I Kigali ubwo bazaba berekeza mu gihugu cya Congo Brazzaville gukina umukino wo kwishyura.

Nyuma y’umukino wa Nigeria, biteganyijwe ko Amavubi azakina n’ikipe ya CHAN ya Afurika y’epfo tariki 28/07/2015 I Johannerburg.

?????????????????????????????????????????????????????????????????????????????????????????????????????????????????????????????????????????????????????????????????????????????????????????????

Uyu mwiherero kandi uzafasha umutoza McKinstry kurushaho kumenya neza bamwe mu bakinyi bashya yahamagaye dore ko benshi mu bakinnyi yari amaze iminsi yitabaza bari kumwe n’ikipe ya APR Fc mu mikino ya Cecafa Kagame Cup igomba gutangira kuri uyu wa gatandatu mu gihugu cya Tanzania.

Nyuma y’uyu mwiherero, ikipe y’igihugu izerekeza mu Ecosse ku itariki 2 Kanama, mu mwiherero uzamara ibyumweru bibiri aho Amavubi azakina imikino igera muri itatu ya gicuti n’amakipe yo mu kiciro cya mbere muri icyo gihugu, biteganyijwe ko ikipe izagaruka mu Rwanda ku itariki ya 17 Kanama mu rwego rwo kwitegura CHAN n’amajonjora y’igikombe cy’Afurika cya 2017 kizabera muri Gabon.

Nyuma y’umwiherero wo mu gihugu cya Ecosse, U Rwanda na DR Congo mu mukino mpuzamahanga wa gicuti uteganyijwe kuba itariki ya 28 Kanama I Kinshasa.

Urutonde rw’abakinnyi bahamagawe :
Abanyezamu : Marcel Nzarora (Police), Eric Ndayishimiye (Rayon Sport), Emery Mvuyekure (Police) na Olivier Kwizera (APR)

Abinyuma : Celestin Ndayishimiye (Mukura), Janvier Mutijima (AS Kigali), Fitina Omborenga (SC Kiyovu), Jean Marie Rukundo (Rayon Sports), Faustin Usengimana (Rayon Sports), James Tubane (Rayon Sports), Fabrice Twagizimana (Police) na Amani Uwiringiyimana (Police)

Abo Hagati : Tumaine Ntamuhanga (Police), Mohamed Mushimiyimana (Police), Amran Nshimiyimana (Police), Kevin Muhire (Isonga) na Amin Muzerwa (AS Kigali)

Ab’imbere : Dominique Savio Nshuti (Isonga), Innocent Habyarimana (Police), Kevin Ishimwe (Rayon Sports), Jacques Tuyisenge (Police), Bertrand Iradukunda (APR), Ernest Sugira (AS Kigali), Isaie Songa (AS Kigali), Jean d’Amour Bonane (Sunrise) na Danny Usengimana (Isonga)

Abagize Staff : Johnathan McKinstry (Head Coach), Emmanuel Ruremesha (Assistant Coach), Jimmy Mulisa (Assistant Coach), Thomas Higiro (Goalkeeper coach), Moussa Hakizimana (Doctor), Patrick Rutamu (Physiotherapist), Pierre Baziki (Kit Manager) na Bonnie Mugabe (Team Manager)

Tanga igitekerezo na Facebook

Tanga igitekerezo