Jean Francois Losciuto ntakiri umutoza wa Rayon Sports

Yanditswe na Admin ku wa 23.09.2014 saa 07:53 | Yasuwe : 962

Uwari umutoza mukuru wa Rayon Sports, Jean Francois Losciuto ubu gahunda ze z’ubutoza agiye kuzikomereza mu yamaze kwerekeza mu ikipe yitwa ASFA-Yennenga yo mu gihugu cya Burkina Faso

Amakuru yigenda ry’uyu mubilgi yatangiye kuvugwa mu ijoro ryo ku cyumweru ku mbuga nkoranyambaga ,ku munsi wo ku wa mbere nabwo yirirwa ku ma radiyo yo mu Rwanda no ku mbuga za internet .

Nkuko bitangazwa n’ikinyamakuru fr.africastar.com (soma inkuru)  Losciuto yasinye amasezerano y’imyaka 4, amasezerano yashyizweho umukono na Giovanni Marchicaukorera sosiyee « Easy management » akaba ariwe  uhagarariye uyu mutoza. Uyu yamusinyiye  kubera ko uyu mutoza wavuye mu Rwanda kuri uyu wa gatanu tariki ya 19 Nzeli 2014, atabashije kubona indege imukura i Paris imutwara muri Burkina Faso.

Uyu mutoza yavuye i Nyanza abwiye abayobozi ba Rayon Sports, ko agiye mu Bubiligi kubera ibibazo by’umuryango we azahita agaruka, nyuma yuko shampiyona yari imaze gusubikwa, ariko birangiye yigiriye muri Burkina Faso.

losciuto1

Aganira n’abanyamakuru, ubwo uhagarariye uyu mutoza yari amaze gusinya, Eddie Komboïgo umuyobozi w’iyi kipe yagize ati: ” Twahisemo guhindura abatoza b’ikipe ngo tubashe kwitwara neza mu gihe kiri imbere.”

Dore ibyo Jean Francois Losciuto yashyize ku rukuta rwe rwa Facebook muri iri joro :

losciuto

Jean Francois Losciuto yageze mu Rwanda aje gusimbura umubiligi mwene wabo Luc Eymael wari uvuye mu Rwanda amaze kugirana ibibazo n’ishyirahamwe ry’umupira w’amaguru mu Rwanda. Losciuto yafashije Rayon Sports kugera muri 1/4 cya CECAFA Kagame Cup yaberaga mu Rwanda mu minsi ishize, ariko imikino ya gicuti yari amaze iminsi atoza, ntabwo yayitwayemo neza , amakuru akavuga ko yari amaze iminsi anabanye nabi n’abayobozi ba Rayon Sports.

Ibi ngo bikaba byaraturutse ku bwumvikane bucye ku bakinnyi uyu mutoza yari yavanye mu gihugu cya Togo akabazana mu igeragezwa muri Rayon Sports aho batashimwe n’ubuyobozi nawe akaba atarashimye abakinnyi bamuzaniye ndetse agtangaza mu itangazamakuru ko Rayon Sports nta bushobozi bwo kugura abakinnyi bakomeye ifite.

Umuyoboyzi wa Rayon Sports Ntampaka Thèogéne we yatangarije itangazamakuru ko nta kibazo bari bafitanye n’uyu mutoza ko n’imishahara ye yose yayibonye kandi ko atarababwira ku mugaragaro ko yasheshe amasezerano.

Uyu mubiligi yahagurutse mu Rwanda kuri uyu wa mbere mu masaha y’igicuku yerekeza muri Burkina Faso, aho agomba kuva agaca mu Bubiligi gukemura ibibazo mu muryango we.

Ikipe ya ASFA Yennenga uyu mutoza yerekejemo imaze kwegukana ibikombe 13 bya shampiyona mu gihugu cya Burkina Faso, ibikombe 3 by’igihugu, Super Coupe zigera kuri 2, na Burkina Faso leaders Cup inshuro 7.

Tanga igitekerezo na Facebook

Tanga igitekerezo