Lee Johnson niwe Directeur Technique National

Kuri uyu wa kabiri taliki ya 22.07.2014 nibwo umwongereza Lee Johnson ufite imyaka 38  yatangiye imirimo ye nk’umuyobozi w’ibya tekiniki mu rwego rw’igihugu.

Uyu mugabo uje gusimbura umufaransa richard Tardy warangije amasezerano ye yakoze iyi mirimo makipe yo mu gihugu cy’ubwongereza nka Crystal Palace na Chelsea azaba ashinzwe gutoza no kuzamura abantu bakiri bato, kwigisha abatoza ndetse no guteza imbere umupira w’intango (grassroots).

leejohnson

Mu kiganiro n’itangazamakuru kuri uyuwa kabiri  yagize ati, “Ndifuza kuzana ubumenyi mvanye mu gihugu cy’ubwongereza aho nakoze muri Crystal Palace na Chelsea tukabukoresha mu kubuka inzego zafasha mw’iterambere ry’umupira w’amaguru mu Rwanda,tugomba guha imikino myinshi aba bana bakiri bato kugirango bizafashe kuzamura urwego rwabo. Ibi bizadufasha kurushaho kugira abakinyi benshi bazakinira amakipe y’igihugu ya U17, U20 n’Amavubi”

Yakomeje agira ati : “Kandi ningombwa ko n’abatoza bigishwa umupira w’amaguru kugirango ubumenyi bakuyemo babujyane muri ayo mashuri n’amakipe bakomokamo,”

Lee Johnson uzaba yungirijwe na Aloys Kanamugire (Umugabo umaze igihe kitari gito mu mupira w’u Rwanda )  aratangira gutoza ikipe y’igihugu y’abatarengeje imyaka 17 kuri uyu wa kane aho bazaba bitegura umukino wo kwishura uzayihuza na Uganda tariki ya 02/08/2014 I Kigali.

Tanga igitekerezo na Facebook

Tanga igitekerezo