Lee Johnson Directeur Technique muri FERWAFA nawe yigendeye

Yanditswe na Admin ku wa 14.04.2015 saa 18:54 | Yasuwe : 818

Umwongereza Lee Johnson wari umuyobozi ushinzwe Tekinike mu Ishyirahamwe ry’umupira w’amaguru mu Rwanda yasezeye ku mirimo ye nk’uko bitangazwa na FERWAFA, akaba avuga ko yagiye kuko yabonye akazi gashya mu Buhinde.

Uyu mugabo yari muri aka kazi kuva mu kwezi kwa karindwi umwaka ushize yatangaje mu ibaruwa isezera yanditse ko yahisemo ‘kwemera akazi ko kuba umutoza wungirije mu ikipe y’igihugu y’Ubuhinde no gutoza ikipe yaho y’abatarengeje imyaka 19’.FERWAFA yatangaje ko igiye gushaka umusimbura mu bihe bya vuba.

Lee-Johnson

Mu Buhinde aho agiye asanze yo Stephen Constantine uherutse gusezera Amavubi nawe akerekeza mu kazi yahawe ko gutoza ikipe y’igihugu y’Ubuhinde.

Johnson mu ibaruwa ye avuga ko yishimiye gukorera mu Rwanda ndetse ibihe yahagize atazabyibagirwa mu buzima bwe.

Uyu mugabo yari afite amasezerano y’imyaka ibiri nka ‘directeur technique’ w’umupira w’amaguru mu Rwanda, ishami rishinzwe ibyo kuzamura umupira bihereye mu bana bato. Agiye asize irushanwa mu bana ryaratangijwe mu Rwanda .

Tanga igitekerezo na Facebook

Tanga igitekerezo