Kwizera Pierrot yageze mu myitozo ya Rayon Sports

Umukinnyi w’Umurundi Kwizera Pierrot waguzwe na Rayon Sports avuye muri Simba Sports Club yageze mu Rwanda tariki 18 Gashyantare 2015 ahita atangira imyitozo na bagenzi be.

Umuvugizi wa Rayon Sports, Niyomusabye Emmanuel yatangaje ko Kwizera Pierrot yari ategerejwe cyane . Yagize ati “yashoboraga kuba yari yaraye aje, ariko imodoka yaramusize. Yahageze none saa cyenda ahita atangira imyitozo hamwe n’abandi”.

kwizera-pierrot3

Pierrot yahawe na Rayon Sports amasezerano n’umwaka n’igice, ariko aramutse yitwaye neza bamwongerera amasezerano.Ni mu gihe Kwizera yaguzwe amadolari angana n’ibihumbi icyenda (9.000$) ni ukuvuga asaga miliyoni esheshatu n’ibihumbi magana atatu mu mafaranga y’u Rwanda (6.300.000frw).

Kwizera yari mu Burundi aho yari mu ikipe y’igihugu y’abatarengeje imyaka 23. Byari byahwihwishijwe Kwizera ko ashaka kujya muri Gor Mahia none arabinyomoje.

Rayon Sports yatakaje abakinnyi bakomeye nka Nizigiyimana Karim Makenzi na Abouba Sibomana bagiye muri Gor Mahia yo muri Kenya, none itangiye urugendo rwo kuziba icyubo cy’abo basore bari bayifitiye runini.

Tanga igitekerezo na Facebook

Tanga igitekerezo