Kiyovu Sports yatsinze Police FC mu cyirarane

Mu mukino w’cyirarane w’umunsi wa 15  wa shampiyona ikipe ya Kiyovu Sports yari yakiriye ku kibuga cyayo cya stade Mumena i Nyamirambo yatsinze Police FC  2-1.

Ibitego bya Kiyovu  yatsinzwe na  Habimana Yussuf hamwe na  Benedata Janvier, naho icya Police gitsindwa na Habimana Innocent.Mu wundi mukino w’ikirarane wabereye i Rwamagana Sunrise FC yatsinze Marines FC 3-0.

Police FC yaherukaga kunyagira Kiyovu Sports ibitego 5-0, aho Ally Bizimungu yatangaje ko bari bafite igitutu kandi amakipe aba afite ubwoba, bityo aha amabwiriza akaze abakinnyi be.

kiyovupolice15

Ally avuga ko kuba batsinze Police FC ari ikipe nziza atari uburyo bwo kuyihimuraho, ariko nawe yagira umunsi wo gutsinda umutoza wa Police FC, ariko bari bakeneye amanota 3. Akomeza atangaza ko ibyo basabye abakinnyi ari byo bashyize mu bikorwa kugira ngo bagere ku ntsinzi.

Umutoza wa Police FC, Cassa Mbungo André yavuze ko n’ubwo batsinzwe, batakinnye umukino mubi ati “iyo utabonye intsinzi ubara ko umukino utagenze neza. Byari kuba byiza tubonye amanota 3”.Mbungo avuga ko Kiyovu Sports yari imeze neza kandi atakinnye neza, agatangaza ko Kiyovu Sports yari inyotewe gutsinda kubarusha.

Nyuma yo gutsinda uwo mukino Kiyovu Sports yahise igira amanota 24 ikaba igeze ku mwanya wa 7 muri shampiyona naho Police FC ni iya 5 n’amanota 25.

Tanga igitekerezo na Facebook

Tanga igitekerezo