Kiyovu Sports yanganyije na Rayon Sports ku munsi wa munani

Ku munsi wa munani wa shampiyona  kuri stade Amahoro Rayon Sport FC inaniwe kwisobanura na Kiyovu  aho banganyije ibitego 2-2 nyuma y’isubukurwa rya shampiyona yari imaze ibyumweru bibiri idakinwa kubera ikipe y’igihugu .

Abakunzi benshi b’amakipe yombi baru bategereje uyu mukino w’amateka by’umwihariko aba Rayons bifuzaga kureba niba umutoza mushya umaze icyumweru gusa Andy Mfutila abatsindira mukeba w’ibihe byose Kiyovu Sports.

Nkuko byayigendecyeye mu yindi mikino yabanje, Rayon Sports bayitsinze igitego mu minota ya mbere (5′) gitsinzwe na Rutahizamu wa Kiyovu  ufite ibitego byinshi Miamy Baby.

Ntibyatinze ariko ku munota wa 20 Rayon Sport yaje kwishyura igitego cya mbere cyatsinzwe na Isaac Muganza nawe uri kwitwara neza .

Ku munota wa 35 ku ikosa ryakorewe Miamy wa Kiyovu na Faustin Usengimana habonetse  Penaliti yinjizwa neza na Kakira Suleiman naho ku munota wa 67 w’igice cya kabiri cy’umukino Usengimana Faustin arikosora nawe yishyuye igitego cya kabiri cya Rayon Sports ku mutwe mwiza yateye ku mupira wari uturutse kuri coup franc.

rayonkiyovu1415a

Muri uyu mukino wari uryoheye ijisho byagaragaye ko ba myugariro ba Rayon Sports badahagaze neza nyuma ry’ibura rya Tubane James mu mutima wa defense. Umutoza Ali Bizimungu akaba yari yaisemo gufunga ba myugariro Abuba na Makenzi ngo ntibazamuke batera imipira yabo ya za centrés.

Nyuma y’umukino Andy Magloire Mfutila umutoza mushya wa Rayon Sport FC, yatangaje ko yishimiye kuba anganyije uyu mukino kuko bagitangira bari batsinzwe. Yagize ati”umukino ugitangira ikipe ya Kiyovu yaturushije, ariko tuza kugerageza kwataka umukino ugezemo hagati tubasha kwishyura igitego cya mbere.”

Uyu mutoza avuga ko bakinnye n’ikipe nziza ya Kiyovu, kuko ifite abakinnyi bato kandi beza .Mfutila atangaza ko kuba banganyije uyu mukino badacitse intege, kuko hari indi mikino iri mbere, kandi bagiye gukomeza gukora imyitozo .

Aly Bizimungu umutoza wa Kiyovu, atangaza ko atishimiye kuba badatsinze uyu mukino kuko barushaga Rayon Sport cyane.Bizimungu yagize ati “uyu mukino twari twizeye ko tuwutsinda, ariko si ko byagenze kuko twirangayeho mu gice cya kabiri twishyuwe umukino ugiye kurangira.”Uyu mutoza avuga ko nubwo banganyije uyu mukino ariko ashimira abakinnyi be uko bitwaye n’ishyaka bagaragaje mu mukino.

Rayon Sports ikaba iraye ku mwanya wa mbere inganye amanota 17 na APR FC  ikaba iyirusha ibitego izigamye

Amakipe yombi yabanjemo :

rayonkiyovu1415d

Rayon Sports

rayonkiyovu1415e

Kiyovu Sports

Undi mukino wabaye kuri uyu wa gatandatu tariki ya 22 Ugushyingo 2014

Isonga 0-1 Marines (Kicukiro).

Indi mikino izaba kuri iki cyumweru.

Mukura vs APR (Regional)

Amagaju vs Police (Nyamagabe)

Musanze vs AS Kigali (Musanze)

Etincelles vs Sunrise (Umuganda)

Espoir vs Gicumbi (Rusizi).

Tanga igitekerezo na Facebook

Tanga igitekerezo