Kiyovu Sports nshya n’umutoza mushya yatangiye imyitozo

Yanditswe na Rwanda Football ku wa 21.08.2017 saa 20:50 | Yasuwe : 153

Ku mugoroba wo kuri uyu wa mbere tariki 21 Kanama 2017 nibwo abakunzi ba Kiyovu Sports bongeye kwishimira ikipe yabo mu mabara y’icyatsi n’umweru. Iyi kipe yatangiye imyitozo yitegura umwaka mushya wa shampiyona.

Uyu munsi abakunzi ba Kiyovu Sports binjiye  muri iyi myitozo yabereye kuri stade Mumena bishyura amafaranga 500. Mu kanyamuneza kenshi ngo biteguye gutera inkunga ikipe yabo kuko bifuza kwihimura ku bakeba babasetse bamanuka.

Kiyovu Sports yagaragaye mu mwambaro mushya

Abasore ba Cassa Mbungo Andre batangiye harimo icyenda (9) bashya barimo; Fabrice Mugheni Kakule wavuye muri Rayon sports, Sebanani Emmanuel Crespo na Ndoli Jean Claude bavuye muri AS Kigali, Uwihoreye Jean Paul bita Compas na Twagirimana Innocent bita  Kavatiri bavuye muri Police FC, Kabura Mouhamud na Hakubaho Vincent bavuye muri Pépinière FC, Ally Mbogo wa Espoir FC, Maombi Jean Pierre wavuye muri Musanze FC batangiye imyitozo.Innocent Habyarimana we ngo azatangira imyitozo kuri uyu wa kabiri kubera ibibazo byo mu muryango yabanje gukemura nkuko umutoza Cassa Mbungo yabitangaje.

Ndoli Jean claude mu mwambaro wa Kiyovu

Nyuma y’imyitozo Fabrice Mugheni yabwiye abanyamakuru impamvu yahisemo gusinyira Kiyovu sports n’intego bihaye muri uyu mwaka w’imikino. Uyu musore wahesheje Rayon sports igikombe cy’Amahoro 2015 n’icya shampiyona 2016-17

Mugheni Fabrice nawe ari tayari

Fabrice Mugheni yagize ati : “Guhitamo kuza muri Kiyovu nabitewe nuko bampaye ibyo nifuzaga kandi nanifuzaga guhindura. Nakiniye Police FC nitwara neza, njya muri Rayon bigenda neza, numvaga nshaka guhindura nkambara n’andi mabara. Nari nsanzwe nkunda Kiyovu kubera n’amabara yayo. Icyatsi kibisi ni ibara ryanjye ryo mu bwana. Ndarikunda kandi nishimiye kuba ngiye kuryambara mu ikipe nshya.Tuzi ko Kiyovu yahoze ari ikipe ihatanira ibikombe. Turifuza kugarura uwo mwuka. Twihaye intego yo guhatanira kimwe mu bikombe bikinirwa mu Rwanda. Twizeye kubigeraho dufatanyije n’umutoza wacu Cassa. Ndamuzi twabanye muri Police FC. Ni umutoza mwiza kandi natwe turi abakinnyi beza. Twizeye umusaruro mwiza.”

Kiyovu sports yatangiye imyitozo irateganya gutangira imikino ya gicuti yoroheje nyuma y’iki cyumweru.

Umutoza Cassa Mbungo
Cassa Mbungo n’abasore be
Imyitozo ya mbere yari ikaze
Bose bariteguye

Tanga igitekerezo na Facebook

Tanga igitekerezo