Kanyankore Gilbert na Nshimiyimana Eric nibo batoza bashya b’Amavubi

Yanditswe na Rwanda Football ku wa 21.08.2016 saa 09:40 |

Kanyankore Gilbert Yaoundé na Eric Nshimiyimana nibo batoza bashya b’ikipe y’igihugu y’umupira w’amaguru Amavubi.

Aba babatoza bakaba bagomba gutoza umukino uzahuza Amavubi na Ghana kuwa 3 Nzeli 2016, gusa nyuma akaba aribwo bashobora kuzasimbuzwa.Kanyankore Gilbert bita Yaoundé asanzwe ari umutoza w’ikipe ya APR FC na Eric Nshimiyimana akaba asanzwe atoza As Kigali.

Abo bagiye kuri uwo mwanya nyuma y’aho hirukaniwe uwari usanzwe ari umutoza w’ikipe y’igihugu Amavubi Johnny McKinstry yirukanywe kuri uyu wa kane tariki ya 18 Kanama 2016.

Kanyankore na Nshimiyimana baratangirira ku mukino wa Ghana
Kanyankore na Nshimiyimana baratangirira ku mukino wa Ghana

Umunyamabanga Uhoraho muri Minisiteri y’Umuco na Siporo (MINISPOC), Lt Col Patrice Rugambwa yatangaje ko kugira ngo bahitemo Kanyankore bagendeye ku bunararibonye asanzwe afite.

Nshimiyimana, uzafatanya na Kanyanokore aherutse no gutorwa nk’umutoza mwiza n’Ishyirahamwe ry’umupira w’amaguru mu Rwanda (FERWAFA) nk’uwitwaye neza muri shampiyona ishize.

Lt Col Patrice Rugambwa akomeza atangaza ko abo batoza bitazabangamira imirimo yabo cyane ko mu gihe iyo kipe izaba yitegura harimo bamwe mu bakinnyi bazava muri ayo makipe ku buryo amakipe basanzwe batoza ntacyo azaba akora.

Tanga igitekerezo na Facebook

Tanga igitekerezo

Powered by Live Score & Live Score App