Kanombe na Fuadi bazerekanwa muri Sofapaka kuri uyu wa gatanu

Yanditswe na Admin ku wa 24.06.2015 saa 00:27 | Yasuwe : 1,105

Ubuyobozi bw’ikipe ya Sofapaka yo muri Kenya buratangaza ko buzerekana abakinnnyi batandatu bashya iyi kipe yaguze kuwa gatanu tariki 26/6/2015.

Nk’uko bitangazwa  n’umuyobozi w’iyi kipe Elly Kalekwa,  ku wa gatanu w’icyi cyumweru bazerekana abakinnyi batandatu bashya iyi kipe yaguze muri uku kwezi kugirango bafashe umutoza Sam Timbe gukomeza kwitegura imikino yo kwishyura ya shampiyona ya Kenya, Tusker Premier League.

fuadkanombe

Abakinnyi babiri bakiniraga ikipe ya Rayon Sports kandi banayibereye ba kapiteni igihe kirekire , Ndayisenga Fuade na Hategekimana Aphrodis Kanombe ni bamwe muri aba bakinnyi bashya iyi kipe yamaze kugura, aho bazahabwa amasezerano y’imyaka ibiri.

Uretse aba bakinnyi batandatu  bashya muri iyi kipe, hari abandi 6 bamaze kuyisohokamo barimo Enock Agwanda werekeje muri Gor Mahia, Elly Asieche wagiye muri KCB, Eugine Asike na Danson Kago berekeje muri Tusker, Fiston Abduol Razak wagiye muri Sundown yo muri Afurika y’Epfo na Shafik Batambuze wagiye muri Chemelil Sugar.

Source: Ruhagoyacu

Tanga igitekerezo na Facebook

Tanga igitekerezo