Kanombe na Fuadi barangije gusinyira Sofapaka ntibazakina Peace Cup

Abakinnyi babiri bakiniraga ikipe ya Rayon Sports mu Rwanda, Fuadi Ndayisenga na Aphrodis Hategekimana Kanombe bamaze kwerekeza mu ikipe ya Sofapaka yo mu gihugu cya Kenya.

Aba basore bageze mu gihugu cya Kenya kuri uyu wa kabiri bakaba bashyize umukono ku masezerano muri iyi kipe kuri uyu wa gatatu ku gicamunsi.

“Ni byo koko, abo bakinnyi twamaze kubaha amasezerano y’imyaka 2 mu ikipe ya SOFAPAKA, ubu ni abakinnyi bacu, byemewe n’amategeko.” Elly Kalekwa, aganira na radio 10 muri iki cyumweru.

“Ibyangombwa bimwe barabizanye, dutegereje ko baduha ITC zabo, uyu munsi, ubundi bagahita batangira gukinira ikipe ya Sofapaka.”

kanombefuadi

Abo bakinnyi bafashije Rayon Sports kurangiza shampiyona ya 2014-2015 iri ku mwanya wa 5 n’amanota 38 ntibazagaragara mu mikino ikipe yabo yari isigaje mu Gikimbe cy’Amahoro aho igomba guhura n’Isonga kuri uyu wa gatandatu

Rayon Sports yasezereye Etincelles muri 1/4 iyitsinze ibitego 2-0 mu gihe Isonga FC yasezereye Espoir FC.

Tanga igitekerezo na Facebook

Tanga igitekerezo