Kambale Salita mu igeragezwa muri TP Mazembe

Yanditswe na Admin ku wa 10.09.2014 saa 09:42 | Yasuwe : 1,347

Umukinnyi wa Rayon Sports ukomoka muri Congo Kambale Salita Gentil  witwa Kamazi Pappy iyo akina hano mu Rwanda ubu ari gukora igeragezwa mu ikipe ya TP Mazembe yo muri Congo.

Iyi kipe ya TP Mazembe ni imwe mu makipe akomeye cyane kuri uyu mugabane w’Africa ikoresha amahitamo mu gihugu cyose cya Congo ishakisha abakinnyi beza  ikavanguramo abo yazakinisha mu mwaka utaha wa shampiyona.

Muri abo bakinnyi 30 harimo Wai Yeka na Kambale Salita Gentil (Papy Kamanzi) bari bamaze iminsi bari i Kinshasa mu igeragezwa ikipe ya TP Mazembe.Wai Yeka wentiyashoboye kurenga amajonjora y’ibanze cyane ko ari muri 20 basezerewe mu gihe Kambale Salita we yasigaye muri 10 banyuma bashobora gutoranywamo abajya muri Mazembe.

Kambale-Salita-Gentil

Uyu mukinnyi nkuko amakuru aturuka muri  Congo abitangaza , ngoyaje mu igeragezwa muri TP Mazembe atavuye muri Rayon Sports ahubwo ngo yatanzwe n’ikipe ya Kabasha yo mu Burasirazuba bwa Congo.

Wai Yekawe wabaye umukinnyi watsinze ibitego byinshi muri  shampiyona ishize mu Rwanda yari yararangije kumvikana n’ikipe nshya mu cyiciro cya mbere Sunrise FC ndetse umutoza w’iyi kipe Musa akaba yaratangaje mu mpera z’icyumweru cyashize ko afite icyizere ko uyu mukinnyi azageraho akaza.Ibi kandi byaje gushimangirwa n’umuyobozi w’iyi kipe wavuze ko Wai Yeka yari yabatse ukwezi ngo abe akemura ibibazo by’umuryango ariko nyuma yako bakaza kumubura kuri Telefoni.

Ku rundi ruhande, ikipe ya Rayon Sportsitangaza ko kugeza ubu itazi aho umukinnyi wayo Kambale Salita aherereye.Si ubwa mbere uyu mukinnyi abura mu ikipe y’i Nyanza gusa akaba yarakunze kubwira ubuyobozi bw’iyi kipe agifitiye amasezerano y’umwaka umwe ko yagiye muri Congo kwivuza cyangwa gukemura ibibazo by’umuryango.

Tanga igitekerezo na Facebook

Tanga igitekerezo