Kagere yarangije gusinya muri Gor Mahia

Yanditswe na Admin ku wa 29.01.2015 saa 15:06 | Yasuwe : 1,181

Kagere Meddie, rutahizamu w’ikipe y’igihugu Amavubi  yamaze gusinya amasezerano y’umwaka umwe  muri Gor Mahia nyuma yo gusezererwa mu ikipe ya Tirana  yo muri Albania.

Aya makuru agaragara ku rubuga rw’Ishyirahamwe ry’Umupira w’Amaguru mu Rwanda (FERWAFA). Kagere ngo yasinye amasezerano y’umwaka umwe muri iyo kipe, kuri uyu wa 28 Mutarama 2015.

Naima Oketch  umunyamabanga w’ungirije  mu ikipe ya Gor Mahia,  aganira n’itangaza makuru  ryo muri Kenya,  yagize ati ” uyu mukinnyi yatangiye imyitozo n’abandi bakinnyi kugira ngo abashe kumenyerana n’ikipe”.Avuga ko uyu mukinnyi bari bifuje ko yasinya amasezerano y’imyaka ibiri ariko we yababwiye ko azabakinira umwaka umwe gusa.Akomeza avuga ko uyu mu kinnyi yahawe amashilingi y’amanyakenya 2, 016, 554 (USD22,000).

kagere

Meddie Kagere mbere yo kwerekeza muri iyi kipe ya KF Tirana, yari yaraciye mu makipe nka Mukura  na Police FC, mbere yo kwerekeza muri Union Sportif de Zarzis yo muri Tuniziya, yavuyemo aza muri Rayon Sports.

Iyi kipe ya Gor Mahia Kagere yerekejemo  yatwaye igikombe cya shampiyona ya Kenya umwaka ushize.Kagere ufite imyaka 29 y’amavuko; yakiniye ATRACO FC, Kiyovu Sports, Mukura Victory Sports, Police FC na Rayon Sports  Sportive de Zarzis yo muri Tuniziya.

Tanga igitekerezo na Facebook

Tanga igitekerezo