Kagere Meddy agiye gukina muri Albanie

Yanditswe na Admin ku wa 03.07.2014 saa 22:04 | Yasuwe : 1,982

Kagere Meddie Rutahizamu w’ikipe ya Rayon Sports  yerekeje muri Klubi i Futbollit Tirana yo mu cyiciro cya mbere mu gihugu cya  Albanie (i Burayi) aho azayikinira imyaka ibiri. 

Kubera ko uyu mukinnyi ukomoka mu gihugu cy’u Bugande akaba yarahawe ubwenegihugu bw’u rwanda yari agifitanye amasezerano na Rayon Sports , iyi kipe yo muri Albanie izishyura Rayon Sports ibihumbi 10 by’amadolari yari akiyifitiye.

kagere1

Meddie Kagere wari umaze umwaka muri Rayon Sports, nta kintu kinini yigeze amarira iyi kipe ikunzwe cyane mu Rwanda  nkuko bitangazwa n’abakunzi bayo ndetse no mu ikipe y’igihugu Amavubi muri kino gihe ntiyigaragaza cyane nka mbere .

Nkuko bigaragara ku rukuta rwa  Facebook rw’’iyi kipe FK Tirana  Kagere Meddy yayisinyiye ku wa mbere tariki ya 30/6 /2014.

KF Tirana  ni yo kipe imaze gutwara ibikombe byinshi muri icyo gihugu ikaba ifite byose hamwe ibikombe   49 harimo 27  bya shampiyona. Iyi kipe ikaba yarashinzwe mu mwaka wa 1920 ikaba yambara ubururu n’umweru muri.

Kagere Meddy akaba yerekeje muri iyi kipe asanzeyo umukinnyi ukomoka mu gihugu cy’u Burundi  Ndikumana Selemani wakiniraga  APR FC na we iyi kipe ikaba  itangaza ko barangije kumvikana.

Tanga igitekerezo na Facebook

Tanga igitekerezo