Kabanda Félicien mu basifura umukino w’Abaholandi

Yanditswe na Admin ku wa 23.06.2014 saa 09:58 | Yasuwe : 1,060

Umunyarwanda Kabanda Felicien araza kugaragara mu kibuga ku mukino w’igikombe cy’isi muri Brésil  mu itsinda B aho  ikipe y’’igihugu ya Chile iza gukinan’ikipe y’Abaholandi b.

Nkuko bimenyerewe Kabanda araba ari umusifuzi wungirije umunya Gambia w’imyaka 35 Bakary Gassama ndetse akaza gufatanya n’undi ukomoka muri  Cameroun Evarist Menkouande we w’imyaka 39. Aba basifuzi uko ari batatu ni bo bari buyobore umukino wanyuma wo mu itsinda B uri bubere ku kibuga Arena de São Paulo.

kabanda

Ni umukino amakipe yombi ari bujye mu kibuga yishakamo izazamuka ari iya mbere mu itsinda B cyane ko izi kipe zarangije kubona itike yo gukomeza mu cyiciro gikurikira cy’iri rushanwa.

Uyu mukino ukaza gutangira ku isaa 18:00 za Kigali, ukabera rimwe n’uwo Espagne iri buze kuba ihuriramo na Austarlia kuri iyo saha. Iyi mikino yo mu itsinda rya kabiri ariko, ukaza kuba mbere y’imikino yo mu itsinda rya mbere ririmo na Brasil iri mu rugo.

Tanga igitekerezo na Facebook

Tanga igitekerezo