Jimmy Mulisa niwe wagizwe umutoza mukuru wa Sunrise FC

Yanditswe na Rwanda Football ku wa 25.07.2015 saa 09:46 | Yasuwe : 1,272

Jimmy Mulisa  wahoze ari rutahizamu w’ikipe y’igihugu Amavubi na APR FC yamaze kugirwa umutoza mukuru wa Sunrise FC, ikipe y’Intara y’Iburasirazuba iba i Rwamagana

Jimmy Mulisa yavuye muri APR FC mu 2005 yerekeza mu Bubiligi gukina nk’uwabigize umwuga aho yahereye mu ikipe ya Mons akaza gukinira n’andi makipe menshi mu Burayi na Aziya, amaze iminsi akora muri iyi kipe ya Sunrise aho yari afite umwanya wa Directeur Technique yasimbuyeho nyakwigendera  Jean Marie .

Ikipe ya Sunrise yahisemo kumugira  umutoza mukuru akaba yasimbuye Thierry Nzonga nawe wari wasimbuye Gatera Musa mu gihe gishize.

jimmymulisa

Umwe mu bayoboz muri Sunrise yatangaje ko ibyo kugira Jimmy Mulisa umutoza wabo mukuru babirimo nubwo atarasinya amasezerano.

Jimmy Mulisa mu minsi ishize yari yatangarije itangazamakuru  ko ari mu biganiro n’ikipe ya  Sunrise byo kuba yayibera  umutoza mukuru .

Jimmy Mulisa aherutse guhabwa akazi mu ikipe y’Amavubi nk’ushinzwe ubusemuzi hagati y’abakinnyi n’umutoza.Uyu mugabo kandi yari ‘ambassadeur’ w’irushanwa rya Airtel Rising Stars riherutse kurangira mu Rwanda.

Jean Paul NKURUNZIZA

Tanga igitekerezo na Facebook

Tanga igitekerezo