Jean Francois Losciuto yageze muri Asfa Yenenga (Burkina Faso)

Uwahoze ari umutoza wa Rayon Sports umubiligi Jean Francois Losciuto kuri uyu wa gatanu taliki ya 26.09.2014 nibwo yasesekaye Ouagadougou muri Burkina Fasso aho agiye gutoza ikipe yaho  l’ASFA-YENNENGA.

Nkuko tubicyesha urubuga rw’ibiro ntangazamakuru bya Burkina Fasso ( soma inkuru ) uyu mubiligi akigera Ouagadougou yatangaje ko yihaye imyaka ibiri kugira ngo asubize iyi kipe mu ruhando rw’amakipe akomeye muri Africa.

Mu kazi katoroshye ko kongera guha ikizerea abafana b’iyi kipe yambara umuhondo n’icyatsi kibisi, yatangaje ko yiyizeye kandi ko azi neza ko ubuyobozi bw’iyo kipe bumuri inyuma.

Yongeyeho ko nta kimwe n’imwe kw’isi itaranyura mu bihe bikomeye nk’ibyo iki kipe izwi cyane iri kunyuramo muri iki gihe kandi ko azi neza amakipe azahangana nayo ariyo l’AS SONABEL na l’EFO ifite igikombe cya shampiyona. 

Uyu mutoza yongeye ko azakoresha imitoreze nk’iya André Vilas Boas, José Mourinho na  Bobby Robson.

Uyu mutoza ageze muri ASFA YENNENGA avuye muri Rayon Sports ( Rwanda ) aho yaje aturuka muri  Anges yo muri  Notsé du Togo ariko kugeza magingo aya  abayobozi ba Rayon Sports ntibaremeza igenda ry’uyu mugabo

L’ASFA-YENNENGA yatwaye ibikombe bitanu byikurikiranye bya Burkina Fasso  ( 2009-2013) ariko yabaye iya cumi muri shampiyona ishize, ibintu byatumye abayobozi bayo bashakisha uyu mutoza.

Tanga igitekerezo na Facebook

Tanga igitekerezo