Isonga FC yabonye umutoza mukuru Seninga Innocent

Yanditswe na Admin ku wa 28.09.2014 saa 11:45 | Yasuwe : 1,052
Seninga Innocent wari umutoza wungirije mu ikipe y’ Isonga FC  yasinye amasezerano y’umwaka umwe nk’umutoza mukuru.
Muramira Gregoire umuyobozi w’ikipe y’Isonga avuga ko kuba bahaye amasezerano uyu mutoza bizabafasha gukomeza gutera imbere kuko yari asanzwe amenyereye iyi kipe.
Yagize ati “uyu mutoza twamuhaye amasezerano y’umwaka umwe ndetse ashobora no kongerwa igihe akomeje gutanga umusaruro”.Muramira akomeza avuga ko uyu mutoza kuba asanzwe amanyeranye n’abakinnyi bizamufasha kuba bakomezanya ndetse akanakomeza kuzamura abandi.
innseninga
Seninga Innoncent avuga ko yishimiye kuba yagizwe umutoza mukuru kuko bikomeza kumwongerera icyizere cyo gukomeza gukora neza.
Seninga yagize ati “ibi birampa icyizere ko ngenda ntera imbere niyo mpamvu nanjye ngiye gukomeza gukora cyane kugira ngo ndusheho gutera imbere nk’umutoza”.
Iyi kipe yazamutse mu cyiciro cya mbere uyu mwaka yatozwaga na Rwasamanzi Yves warangije amasezerano mu mpera za Nyakanga uyu mwaka akaba ntakipe afite kugeza ubu.
Tanga igitekerezo na Facebook

Tanga igitekerezo