Irushanwa rya U15 rizafungurwa kuwa gatandatu

Ishyirahamwe ry’umupira w’amaguru mu Rwanda, FERWAFA riratangiza ku mugaragaro irushanwa rya U-15 kuri uyu wa gatandatu mu karere ka Gatsibo.

Iri rushanwa ryateguwe na FERWAFA rizaba rigizwe n’amakipe 73 y’abahungu n’abakobwa kuva mu turere tugiye dutandukanye tw’igihugu.

Ferwafa

Aganira n’itangazamakuru kuri uyu wa mbere, Umuyobozi ushinzwe Tekiniki muri FERWAFA, Lee Johnson yavuze ko, ‘Iki gikorwa kigiye kudufasha guha abana bakiri bato umwanya wo kwigaragaza kugirango dushobore kubone abakinnyi beza b’ejo hazaza,intego y’aya marushanwa n’ukudufasha gutegura abana bakiri bato bakina umupira w’amaguru kandi twizera ko mu gihe kitarambiranye aya marushanwa azaba yarakwijwe hose mu guhugu,’

‘Aya ma ligi azajya akinwa mu mezi atatu muri buri karere hanyuma nyuma y’aho, hazajya habaho camp aho abeza bazajya batozwa ndeste binjire mu ikipe y’igihugu y’abatarengeje imyaka 17. Twifuza ko nibura umwana akina imikino igera kuri 40, ibi bikazabafasha bageze ku rwego rwo hejuru,’

Mu makipe 73 azitabira iki gikorwa mu ntara enye zigize igihugu, 53 n’ayabahungu mu gihe 21 ari izabakobwa batarengeje imyaka 15.

Umutoza Antoine Rutsindura we yavuze ko, ‘Tumaze igihe dutegura iki gikorwa, ubu umupira wabana ugiye kujya mu kibuga, ‘

Umutoza Rutsindura yongeyeho ko mu karere ka Gatsibo aho iri rushanwa rizatangirira, amakipe 10 y’abakobwa hamwe n’andi 14 y’abahungu niyo azarikina.

Mu ntagiriro, iyi mikino izakinwa mu turere tune aritwo ; Gatsibo, Nyanza, Rubavu na Kicukiro hanyuma nyuma, kuva mu kwezi kwa gatandatu, aya marushanwa azakomereza mu turere twa Nyarugenge, Musanze, Nyamagabe na Kayonza.

Kuva mu kwezi kwa cumi kugeza mu kwa cumi n’abiri, aya marushanwa azakinwa mu turere twa Gasabo, Nyabihu, Rusizi na Rwamagana.

Kuva mu kwa kabiri kugeza mu kwa kane umwaka utaha, aya marushanwa azakomereza Gicumbi, Rulindo, Huye na Nyaagatare.

Uko niko imikino ifungura aya marushanwa mu turere tugiye dutandukanye izakinwa muri phase 1 ;

Gatsibo, 14/02/2015
Abahungu : Gatsibo vs Centre Footbalistic Training
Abakobwa : Abarashi vs Rugarama

Nyanza, 15/02/2015
Abahungu : Gihisi vs Mugandamure
Abakobwa : Nyanza vs Gatagara

Rubavu 21/02/2015
Abahunga : Jua Toto vs Nyakiriba
Abakobwa : Nyakiriba vs White Stars

Kicukiro 22/02/2015
Abahungu : Gatenga vs Miroplastic
Abakobwa : Masaka vs Nyarugunga

Tanga igitekerezo na Facebook

Tanga igitekerezo