Intumwa za CAF ziri gusura ibibuga bizakinirwaho CHAN

Yanditswe na Rwanda Football ku wa 20.05.2015 saa 00:46 | Yasuwe : 1,056

Itsinda ry’abagenzuzi riturutse mu mpuzamashyirahamwe y’umupira w’amaguru muri Afurika berekeje mu karere ka Huye kuri uyu wa kabiri hanyuma bazasoreze I Kigali kuwa gatatu nyuma yo gusura Rubavu kuwa mbere.

Irushanwa ry’igikombe cy’afrika rihuza abakinnyi bakina imbere mu bihugu byabo (CHAN) rizaba mu Rwanda guhera tariki ya 16/01/2016 kugeza tariki ya 07/02/2016.

Kuwa Mbere, iri tsinda rya CAF ryasuye Sitade Umuganda iherereye mu karere ka Rubavu ndetse rinatanga inama kubigomba kongerwamo kugirango iyi Sitade ishobore kwakira iri rushanwa.

cafchanvisite

Iryo tsinda rikaba ryasuye Stade Umuganda imwe mu zizakinirwaho iri rushanwa, risura ikibuga cy’imyitozo cyubatse inyuma ya Stade Umuganda, ndetse rinasura amahoteli azacumbikira abakinnyi bazaba bitabiriye icyo gikombe.

Iri tsinda rigenzura iyi mirimo rigizwe na Shereen Arafa (Umuyobozi ushinzwe amarushanwa muri CAF), Tarek El Deeb (Umuyobozi ushinzwe ikoranabuhanga muri CAF), Salomon Binyam (Umuyobozi ushinzwe itangazamakuru muri CAF) na Iman Said (Umuyobozi ushinzwe kwamamaza no kumenyekanisha ibikorwa muri CAF).

Usibye kurebera hamwe aho ibikorwa by’isanwa bigeze, iyi kipe ya CAF yasuye ikibuga cy’imyitozo kirimo kubakwa ndeste na ma hoteli arimo Stipp Hotel Gisenyi, Gorillas Lake Hotel Gisenyi, Belvedere Hotel na Lake Kivu Serena Hotel, Gisenyi.

Kuri uyu wa kabiri, iyi kipe ya CAF irirekeza I Huye, isure Sitade n’amahoteli azakira iri rushanwa hanyuma kuwa Gatatu bazasure ibikorwa byo mu mujyi wa Kigali.

Source : Ferwafa

Tanga igitekerezo na Facebook

Tanga igitekerezo