Impinduka nyinshi mu mitegurire ya CECAFA

Yanditswe na Admin ku wa 16.12.2014 saa 09:08 | Yasuwe : 546

Abayobozi b’amashyirahamwe y’umupira wa maguru mu karere bahuye mu nama idasanzwe ya CECAFA kuri iki cyumweru mu gihugu cya Kenya maze bahindura ibintu byinshi mu mitegurire y’ri rushanwa.

Imikino ya CECAFA ihuza amakipe ibihugu y’uyu mwaka, byari biteganyijwe ko yari kubera mu gihugu cya Ethiopie kuva tariki ya 24/11/2014 kugeza tariki 06/12/2014, ariko iki gihugu kiza gutangaza ku munota wa nyuma ko nta bushobozi gifite bwo kwakira iri rushanwa rihita risubikwa.

cecafa officials

Abayobozi bitabiriye inama idasanzwe ya Cecafa yabaye kuri iki cyumweru IiNairobi

Bwana Nicholas Musonye, Umunyabanga Mukuru wa CECAFA yatangaje ko inama yagenze neza cyane kandi bakaba biyemeje guteza imbere umupira wo mu karere.

Mu myanzuro yafashwe nkuko Musonye yabatangaje harimo;

-Gukuraho irushanwa rya 2014 CECAFA Senior Challenge Cup ryangombaga kuba muri uku kwezi. Inama yemeje ko irushanwa rya CECAFA ry’ibihugu rizajya rikinwa mu minsi ya FIFA iteganyijwe mo imikino ya gicuti kandi amakipe agakina asurana mu irushanwa rizamara igihe kirekire (Home & Away format).

-Inama iziga uko iri rushanwa rizakinwa, izaba tariki 20/01/2015 I Nairobi muri Kenya.

-Inama kandi yashyigikiye, inashimira Perezida wa CAF Bwana Issa Hayatou ku cyemezo yafashe cyo kudasubika irushanwa rya Afurika ry’ibihugu (AFCON) igihe Maroc yari yanze kuryakira mu kwezi gushize. Iri rushanwa rizabera muri Equatorial Guinea mu kwa mbere umwaka utaha.

-Inama kandi yemeje gushyigikira Perezida wa FIFA Bwana Sepp Joseph Blatter mu matora azaba umwaka utaha mu kwezi kwa gatanu ubwo azaba yiyamamaza kongera kuyobora iri shyirahamwe ry’umupira wa maguru kw’isi.

-Inama idasazwe ya CECAFA yemeje Umuyobozi wayo Bwana Leodegar Tenga ko ari we mu candida wenyine uzahagarira aka karere mu matora ya Komite Nyobozi ya CAF azaba umwaka utaha mu kwezi kwa kabiri.

Tanga igitekerezo na Facebook

Tanga igitekerezo