Impinduka mu batoza bakuru ba APR FC

25 Mutarama 2015- Mukiganiro  n’abanyamakuru  ubuyobozi bwa APR FC bwemeje ko Vincent Mashami atakiri umutoza mukuru w’ikipe ya APR FC  bityo ikaba izayoborwa n’umutoza Dusan Dule Suljagic w’umyaserebiya wari usanzwe ushinzwe kongerera imbaraga abakinnyi (Phyical Coach),Mashami akazaguma amwungirije.

Nyuma y’igenda ry’umutoza Petrovic watozaga ikipe y’igisirikare cy’u Rwanda hakomeje kugaragara igisa n’akavuyo muri staff technique ya APR FC ahanini hatagara umutoza mukuru n’uwungirije.

Gusa aha ubuyobozi bwa APR FC bwavugaga ko yaba Mashami Vincent wahesheje APR FC igikombe cya shampiyona umwaka ushize ndetse na Dusan Dule waje nka ‘physical coach’ bombi ari abatoza bakuru ba APR FC.

Uyu munsi ku Kimihurura mu  kiganiro  n’abanyamakuru umunyamabanga mukuru w’ikipe ya APR FC Kalisa Adolphe bakunze kwita Camarade yatangaje ko ubu bamaze kwemeza ko umutoza mukuru ari uriya munya Serbia.

dusanmashami

Kalisa ati “Ubu umutoza mukuru wa APR FC ni Dusan nyuma yo kugenda kwa Petrovic, Mashami akaba umutoza wungirije. Ni icyemezo twamaze gufatakandi ndumva  birasobanutse.”

Mashami yageze  muri APR FC muri Nzeli 2013 aje kungiriza umudage Andreas Spier wari umutoza mukuru wa APR FC, ubwo uyu yirukanwaga  Mashami yahawe ikipe anatwara igikombe cya shampiyona n’icy’Amahoro.

Nubwo agizwe umwungiriza ariko amaze amezi agera kuri arindwi kuburyo bwemewe n’amategeko atari umutoza w’iyi kipe kuko nta masezerano yari agifite.

Aha Kalisa Adolphe yavuze koko atari Mashami wenyine udafite ayo masezerano ati “ Yaba Mugisha w’abazamu ,yaba Didier Bizimana ubungirije nta masezerano bafite ariko  tubirimo mu gihe gito cyane barayabona

Umutoza Mashami Vincent ni umwe mu batoza b’abanyarwanda bari kuzamuka muri iki gihe,  mbere yo kujya muri  APR FC yari yungirije Richard Tardy mu ikipe y’igihugu y’abatarengeje imyaka 17 yakinnye igikombe cy’Africa n’igikombe cy’isi ndetse aza no  gutoza Isonga FC nk’umutoza mukuru.

Abajijwe niba amakuru yavugaga ko Camarade afitanye ibibazo n’umutoza wungirije Mashami Vincent, Camarade yavuze ko ibyo ari ibihuha kuko ngo nta kibazo ashobora kugirana nawe ngo kiyoberane. Avuga ko byongeye ko ariwe wavuganaga na Mashami amusaba kuza muri APR FC bigasa nk’aho ariwe wamuzanye, ngo bagiranye ikibazo niwe (Camarade) waba usebye)

Ku kibazo cy’uko Mashami na Abraham umutoza w’abazamu badafite amasezerano kugeza ubu,yasubije agira ati ” aba koko nta masezerano bafite kuko ayo bari bafite yararangiye ariko turabahemba bisanzwe ndetse twanasabye ubuyobozi bukuru bw’ikipe ko babona amasezerano ariko baracyategereje ko bazayahabwa”.

Kuva APR yatsindwa na Al Ahly ibitego 2-0 mu mukino ubanza mu mikino y’amakipe yabaye aya mbere iwayo ku mugabane w’Afurika (Orange Champions League) hashize imikino ine itarabona intsinzi muri shampiyona y’icyiciro cya mbere mu Rwanda..

Mu gihe hasigaye imikino itandatu ngo shampiyona irangire , APR iri ku mwanya wa mbere n’amanota 41 inganya na AS Kigali ariko ikayirusha ibitego.

Tanga igitekerezo na Facebook

Tanga igitekerezo