Impanga Muganza na Songa zabonye ubwenegihugu

Yanditswe na Admin ku wa 04.02.2015 saa 11:14 | Yasuwe : 936

Muganza Isaac ukinira Rayon Sports n’impanga ye Songa Isaie ukinira AS Kigali bamaze kubona ibyangombwa bibemerera gukina nk’Abanyarwanda.

Ibi bibaye nyuma y’aho muri raporo iherutse gushyirwa hanze n’Ikigo cy’Igihugu gishinzwe Abinjira n’Abasohokaha mu Rwanda batagaragayeho.Aba bakinnyi bose ni impanga bavutse tariki ya 5 Kanama 1994.

muganzasonga

Umuvugizi w’ishyirahamwe ry’umupira w’amaguru mu Rwanda, Hakizimana Moussa avuga ko aba bakinnyi babonye ubwene gihugu nyuma  yo kubusaba bakabwemererwa ubu bakazakina shampiyona nk’Abanyarwanda.

Yagize ati “turashishikariza abakinnyi badafite ubwenegihugu ko kugeza tariki ya 30 Werurwe uyu mwaka baba bamaze kubona uruhushya rw’akazi rubemerera gukorera mu Rwanda”.

Urubuga rwa FERWAFA rutangaza ko aba bakinnyi baje biyongera ku baherutse kubuhabwa barimo Fuadi Ndayisenga (Rayon Sports), Rwigema Yves (APR), Bukebuke Yannick (APR), Ngabonziza Albert (APR), Iradukunda Bertrand (APR), Buteera Andrew (APR), Mvuyekure Emery (Police), Mbazumutima Hamadou (Police), Bizimana Djuma (Amagaju), Yumba Keita (Amagaju) na Bantu Adrien (Amagaju).

Hari abandi bakinnyi basabye ubwenegihugu ariko ikibazo cyabo kikaba kitarakemuka, barimo Peter Otema (Rayon Sports), Said Abed Makasi (Espoir), Kipson Atuheire (Police FC), Nyango Ombeni (Mukura VS), Mazuru Rodrigue (Musanze FC), Kawuma Charles (Sunrise FC), Irakoze Nasser (Espoir FC), Lomami Andre (Espoir), Moninga Warusambo (Espoir FC), Muderwa Barorebwami Janvier wamenyekanye nka Ntaganda Elias (Espoir FC) na Ndikumana Hamad ‘Katauti’ (Espoir FC).

Tanga igitekerezo na Facebook

Tanga igitekerezo