Imikino y’umunsi wa 24 wa shampiyona yimuwe

Yanditswe na Admin ku wa 22.04.2015 saa 08:17 | Yasuwe : 954

Imikino ya shampiyona yo ku munsi wa 24 yamaze kwimurwa kubera umukino ikipe y’igihugu Amavubi ifitanye na Somalia mu mpera z’icyumweru mu batarengeje imyaka 23.

Umunyamabanga Mukuru w’Ishyirahamwe ry’umupira w’amaguru mu Rwanda (FERWAFA),  Mulindahabi Olivier atangaza ko imikino itatu y’ibirarane isigaye izakinwa tariki ya 29 Mata 2015.

Mulindahabi atangaza ko imikino ya shampiyona yagombaga kuba mu mpera z’icyumweru yo ku munsi wa 24 izakinwa tariki ya 2 Gicurasi 2015.

ferwafa

Imikino itatu y’ibirarane izakinwa tariki ya 29 Mata 2015 ni iyi ikurikira:

Gicumbi Fc vs APR FC (Gicumbi)

Rayon Sports vs Sunrise Fc (Muhanga)

Marines vs Etincelles Fc (Tam Tam).

Imikino ya shampiyona yo ku munsi wa 24 muri shampiyona, yagombaga kuba mu mpera z’icyumweru, ariko hakaba hari umukino uzahuza Amavubi mu batarengeje imyaka 23 azaba akina na Somalia mu mukino ubanza uzabera mu Rwanda.

Imikino ya shampiyona ku munsi wa 25 iteganyijwe tariki 13 Gicurasi 2015 mu gihe umunsi wa 26 ari na wo usoza shampiyona uzakinwa tariki ya  16 Gicurasi 2015.

Imikino yo ku munsi wa 24 muri shampiyona

Etincelles FC Vs Police Fc  (Tam Tam)

Espoir FC Vs AS Kigali    (Rusizi)

Rayon Sports Vs    Marines FC (Muhanga)

Gicumbi Fc Vs     Sunrise Fc (Gicumbi)

Musanze FC Vs    Mukura Victory Sports (Musanze)

Isonga FC Vs    Amagaju FC (Kicukiro)

Kiyovu Sports Vs    APR FC (Mumena).

 

Tanga igitekerezo na Facebook

Tanga igitekerezo