Imikino y’igikombe cy’amahoro igeze muri 1/8

Yanditswe na Rwanda Football ku wa 17.06.2015 saa 10:41 | Yasuwe : 1,002

Imikino y’igikombe cy’amahoro igeze  muri 1/8, uyu munsi taliki 17 Kamena 2015 nibwo iyi mikino itangira haba imikino  5. Indi mikino 3 ikaba iteganyijwe ejo taliki 18 Kamena 2015. Aha muri 1/8 akaba ari ugukuranamo, ikipe itsinze ihita ikomeza muri ¼ .

Imikino iteganyijwe, ikipe ya AS Kigali yegukanye iki gikombe muri 2013 irakina n’Isonga FC yamaze kumanuka mu cyiciro cya kabiri, Kiyovu irakira SORWATHE, Espor FC yakire Vision JN, Musanze yakire Etincelles FC naho Mukura ikine na Gicumbi FC.

As-Kigali-2

Ku munsi w’ejo taliki 18 Kamena 2015, imikino izakomeza aho Police FC izakina na Sunrise FC , umukino utazaba woroshye na gato, Rayon Sports ikine na SEC naho APR FC yakire Bugesera.

Muri ¼ niho bizaba bikomeye  cyane

Nyuma y’imikino ya 1/8, amakipe azaba yatsinze azakomeza muri ¼ ahazaba imikino ikomeye cyane mu gihe amwe n’amwe mu makipe azaba yahageze. Mu gihe APR FC yaramuka isezereye Bugesera muri ¼ yazahura na Gicumbi cyangwa Mukura. Aha bikaba byakomerera ikipe ya APR FC iramutse ihuye na Gicumbi kuko mu mikino ibiri iheruka ya shampiyona Gicumbi yatsinze APR FC naho umukino wundi zikanganya. Ikipe ya Rayon Sports niramuka ikomeje izahura n’izatsinda hagati ya Musanze na Etincelles FC, AS Kigali nayo nikomeza izahura na Espoir cyangwa Vision JN mu gihe Police FC nikomeza izahura na Kiyovu mu gihe izaba yasezereye Sorwathe.  Iyi mikino ya ¼  ikazaba taliki 21 Kamena 2015.

Uyu munsi

AS Kigal – Isonga (Mumena-15h30)
Kiyovu – Sorwathe (FERWAFA -15h30)
Espoir – Vision JN (Muhanga-13h00)
Musanze – Etincelles (Musanze-15h30)
Mukura – Gicumbi (Muhanga-15h30)

Ejo, taliki 18-06-2015
Police- Sunrise (Mumena-15h30)
Rayon – SEC (Kicukiro-15h30)
APR FC-Bugesera (FERWAFA-15h30)

Tanga igitekerezo na Facebook

Tanga igitekerezo