Police Fc yasinyishije abakinnyi 3

Yanditswe na Rwanda Football ku wa 29.06.2014 saa 07:29 | Yasuwe : 1,010

Ikipe ya Police Fc imaze guha amasezerano abakinnyi 3 muri iki gihe cyo kugura no kugurisha abakinnyi.

Jean de Dieu Mayira, Umunyamabanga Mukuru ndetse akaba n’umuvugizi wa Police FC, atangaza ko bamaze kugura Mvuyekure Emery, Mwemere Ngirinshiti Mwemere ndetse na Mbaraga Jimmy wa kapiteni wa As Kigali.

Jean de Dieu atangaza ko mu gihe gisigaye mu kugura abakinnyi bo badakeneye abakinnyi benshi bigendeye kubo bari basanganywe n’abo baguze.

policelogo

Umuvugizi ati, “keretse mu myanya y’inyuma (myugariro), ariko ubundi ahandi nta kibazo dufite kuko byaba hagati ba Mussa babiri n’imbere (ba rutahizamu) naho nta kibazo kugeza ubu”.

Ikipe ya Police FC izakina umukino wa nyuma w’igikombe cy’Amahoro nyuma y’aho isezereye Sec Academy yo mu cyiciro cya kabiri muri ½ ku bitego 8 -5 mu mukino ubanza n’uwo kwishyura.

Umukino wa nyuma w’igikombe y’Amahoro uzahuza Police FC na APR FC tariki ya 4 Nyakanga 2014 kuri Sitade Amahoro i Remera.

Police FC yarangije shampiyona ya 2013/2014 iri ku mwanya wa 4 n’amanota 47.

Tanga igitekerezo na Facebook

Tanga igitekerezo