Ikipe y’u Rwanda U23 yageze Kampala

Yanditswe na Admin ku wa 28.05.2015 saa 20:40 | Yasuwe : 1,280

Ikipe y’igihugu y’abatarengeje imyaka 23 yageze I Kampala kuri uyu wa kane aho ije kwitegura umukino wo kwishyura uzayihuza na Uganda Kobs ku wa gatandatu w’icyi cyumweru.

Ikipe y’u Rwanda icyumbitse kuri Africana Hotel mu mujyi wa Kampala.Kuri uyu wa Gatanu, Rwanda U23 irakora imyitozo kuri Sitade ya Nakivubo ya 15.00 ku isaha y’Ikigali.Uyu mukino uzabera kuri Nakivubo Stadium i saa 16:00 zo muri Uganda, saa cyenda zo mu Rwanda, ku wa gatandatu tariki 30/05/2015.

U Rwanda rukeneye ibitego 2-0 ku mukino uzabahuza na Uganda kugirango rushobore kubona tike yo gukina imikino y’icyiciro cya gatatu cy’amajonjora y’igikombe cy’Afurika cy’abatarengeje imyaka 23 kizabera muri Senegal mumpera z’uyu mwaka.

Umukino ubanza wabereye i Kigali ku wa gatandatu ushize warangiye Uganda Kobs itsinze u Rwanda ibitego 2-1.Uyu mukino uzaba kuri uyu wa gatandatu kuri Sitade ya Nakivubo saa 15.30 ku isaha y’ikigali.

Ikipe y’igihugu izaba iyobowe na Mashami Vicent uzaba wungirijwe na Emmanuel Ruremesha, ifite akazi katoroshye ko gutsinda nibura ibitego 2-0 kugirango yizere kugera mu cyiciro cya gatatu cy’aya majonjora.

Ntubwo U Rwanda ruhabwa amahirwe make, umutoza Mashami afite icyizere ko mu minota 90 isigaye, byose bishoboka kandi abasore bafite ubushake bwo kugera ku ntego bafite irebana no kuba batsinda uyu mukino.

amavu23uganda

“Turacyafite iminota 90 yo gukina kandi twizera ko byose bigishoboka nubwo bizadusaba ingufu nyishi ndeste tukirinda no gukora amakosa. Intego yacu nuko tugiye gushaka itike itujyana mu cyiciro cya gatatu cy’aya majonjora,”

“Abakinyi bose bameze neza, twakoze imyitozo myiza kandi buri wese afite ubushake bwo kwitanga kugirango dushobore kuba twagera ku ntego twihaye muri uyu mukino,”

Mu kipe yerekeza Uganda kuri uyu wa kane, umunyezamu Marcel Nzarora niwe uzabanza mu kibuga mu gihe Olivier Kwizera afite igikomere ku kuguru kuburyo. Abandi bakinyi bashya bari mu bakinyi 18 berekeza Kampala harimo umunyezamu wa Marines Gahungu Habarurema, umukinyi wa ASD Sangiovannese Kabanda Bon Fils na rutahizamu wa Gicumbi Fc Antoine Ndayishimiye.

Ikipe izatsinda uyu mukino izahura na Egypt mu cyiciro cya gatatu aricyo kizatanga tike yanyuma yo gukina imikino yanyuma y’igikombe cy’Afurika cy’abatarengeke imyaka 23 kizabera muri Senegal.

Abakinyi 18:Marcel Nzarora, Gahungu Habarurema, Rusheshangoga Michel,Ombalenga Fitina, Bayisenge Emery, Rwatubyaye Abdul, Faustin Usengimana, Celestin Ndayishimye, Djihad Bizimana, Yannick Mukunzi,Robert Ndatimana, Kevin Muhire, Savio Nshuti Dominique, Bonfils Kabanda, Andrew Buteera, Isaie Songa, Bienvenue Mugenzi na Antoine Ndayishimiye,

CAF U-23 / Olympic Qualifier :
Uganda Kobs Vs Rwanda U-23 – Nakivubo War Memorial Stadium
Sat, 30th May 2015 (4:30 p.m, 3.30 local time)
[Uganda leads 2-1 on aggregate]

Tanga igitekerezo na Facebook

Tanga igitekerezo