Ikipe ya Musanze na Gatsibo zatwaye ibikombe bya Airtel Rising Stars

Yanditswe na Admin ku wa 20.07.2015 saa 00:58 | Yasuwe : 511

Les Abeilles ihagarariye Akarere ka Musanze  mu bahungu n’Abarashi yo mu Karere ka Gatsibo y’abakobwa ni zo zegukanye ibikombe mu irushanwa rya Airtel Rising Stars 2015 mu imikino isoza  irushanwa  rya Airtel Rising Stars.

Mu bahungu Akarere ka Musanze gahagarariwe n’ikipe y’abana Les Abeilles yegukanye igikombe  nyuma yo gutsinda Gatsibo yari ihagarariwe na Centre ya Kiramuruzi.

Ni umukino waranzwe n’ishyaka ku mpande zombi ndetse biza no kurangira  iminota isanzwe y’umukino amakipe yombi anganije 0-0.Byabaye ngombwa ko hiyambaza za  penaliti maze  ikipe ya Les Abeilles yinjiza 4 kuri 3 za Kiramuruzi.

Naho mu guhatanira umwanya wa 3 ,Miroplast yari ihagarariye Akarere ka Kicukiro yatsinze Rusizi United kuri penaliti eshatu kuri ebyiri, nyuma y’aho iminota isanzwe y’umukino yari yarangiye amakipe yombi anganya ibitego 2-2.

airtelraisingmusanze

Mu bakobwa, Abarashi ikipe yarihagarariye Akarere ka Gatsibo  yegukanye igikombe itsinze penaliti 4 kuri 3 za Centre Gatagara yarihagarariye Akarere ka Nyanza  iminota isanzwe y’umukino ikaba yari yarangiye amakipe yombi anganya ibitego 2-2.

Nyampinga Clementine, Ushinzwe iyamamazabikorwa n’itumanaho muri Airtel Rwanda yatangaje ko Airtel Rising Stars 2015 yagenze neza cyane kurusha andi marushanwa nk’ayo abiri yabanje.

Nyampinga yagize ati “intego ya Airtel ntabwo ari ugucuruza internet, telefoni n’irindi tumanaho gusa ahubwo nibi bikorwa bifasha abanyarwanda gutera imbere birimo kdi iri rushanwa ryagenze neza kurusha andi yaribanjirije ”

Iri rushanwa ryasojwe ryatangiye kuwa 13 Kamena 2015, ryitabirwa n’amakipe 60 yo mu bice byose by’igihugu, harimo 48 y’abahungu na 12 y’abakobwa.

Tanga igitekerezo na Facebook

Tanga igitekerezo