Ikipe ya Al Ahly yo mu Misiri yageze mu Rwanda

Ikipe ya Al Ahly yo mu Misiri yageze mu Rwanda aho ije gukina na APR FC mu mikino y’amakipe yabaye aya mbere iwayo ku mugabane w’Afurika ( CAF Champions League).
Al  Ahly igeze mu Rwanda ku kibuga cy’indege i Kanombe saa saba n’iminota 10.Umukino uzahuza APR Fc na Al Ahly utegayijwe kuba kuri uyu wa gatandatu kuri Sitade Amahoro.

Iyi kipe yegukanye ibikombe byinshi muri Afurika yaje ifite abakinnyi 22 hamwe n’abayobozi bagera kuri 17, ubu ikaba icumbikiwe kuri hotel Umubano.Ikipe ya Al Ahly izakora imyitozo yayo kuri uyu wa gatanu kuri Sitade Amahoro.

APR FC izakina na Al Ahly nyuma yo gusezerera La Liga Deportuvo yo muri Mozambique iyitsinze ibitego 2-1 mu mukino wo kwishyura wabereye mu Rwanda.Yabonye itike yo kwitabira irushanwa ry’amakipe yabaye aya mbere iwayo ku mugabane w’Afurika nyuma yo kwegukana shampiyona y’icyiciro cya mbere muri 2013-2014.

Umutoza wungirije w’ikipe ya Al Ahly, Ahmed Ayoub atangaza ko umukino baje gukina na APR FC uzaba ukomeye kandi bakaba barabonye imikino yayo yagiye ikina.Akomeza avuga ko bafite bamwe mu bakinnyi bagize ibibazo by’imvune, ariko bakaba biteguye gukora akazi keza bakoresheje abandi bafite.

Ayoub atangaza ko ku ruhande rw’amakipe y’u Rwanda ayaha icyubahiro cyayo, ati ” amakipe yo mu Rwanda turayazi n’imikino myinshi twagiye tubona yakinnye yabaga akomeye”.

al-ahly
Foto Izuba Rirashe
Kuwa gatatu tariki ya 11 Werurwe 2015 nibwo Al Ahly yashyize ku mugaragaro abakinnyi 20 bagomba kwifashisha ku mukino wa APR FC mu Rwanda.
Abakinnyi b’ikipe ya Al Ahly bagomba gutoranywamo abakina na APR FC.
 Abanyezamu: Sherif Ekrami, Ahmed Adel na Mossaad Awad.
Ba myugariro: Mohamed Naguib, Saad Samir, Sherif Hazem, Bassem Ali, Mohamed Hani, Sabri Rahil na Hussein El-Sayed.
Abakina hagati: Hossam Ghaly, Hossam Ashour, Walid Soliman, Abdallah El-Said, Ramadan Sobhi, Mahmoud Hassan “Trezeguet” na Moemen Zakareya.
Ba rutahizamu: Emad Meteb, Peter Ebimobowei and Saladin Said.
Iyi kipe yazanye abantu benshi batandukanye barimo abafana.Ntabwo ari ibyo gusa, kuko bazanye ibikoresho byabo bagomba kwifashisha mu gihe cyose Al Ahly izaba imaze mu Rwanda birimo:amazi, ibyo kurya, abatetsi babo, n’ibindi abakinnyi bakoresha ku giti cyabo.Kuri ubu ikipe ya Al Ahly icumbikiwe muri Hotel Meridien Umubano.
Umukino wa Al Ahly na APR FC uzabera kuri Sitade Amahoro kuwa gatandatu tariki ya 14 Werurwe 2015.Iyi kipe niyo yatwaye igikombe cy’iri rushwanwa rya champion’s League umwaka ushize
Tanga igitekerezo na Facebook

One thought on “Ikipe ya Al Ahly yo mu Misiri yageze mu Rwanda

Tanga igitekerezo