Ikiganiro na Niyonkuru Vivien

Yanditswe na Admin ku wa 31.07.2014 saa 15:02 | Yasuwe : 1,329

Myugariro Niyonkuru Vivienni umukinnyi  wakiniye Mukura VS igice cya kabiri cya Shampiyona y’umwaka ushize nk’intizanyo ya Rayon Sports FC

Niyonkuru Vivien, ni myugariro w’imyaka 21 ushobora gukina ku ruhande rw’iburyo cg nka myugariro wo hagati yakiniye ikipe ya MVS imikino yo kwishyura ya Shampiyona. Yari umukinnyi w’intizanyo waje muri Mukura VS aturutse mu ikipe ya Rayon Sports. Uyu musore yemeza ko yagiriye ibihe byiza i Huye. Niyonkuru asanga nta mahitamo yari afite kubyerekeye gusubira muri Rayon Sports FC, ku bwe avuga ko mu Rwanda nta yindi kipe yumva yakwifuza gukinira aramutse avuye muri Rayon Sports uretse Mukura VS.

Uyu mukinnyi yagiranye ikiganiro n’urubuga rwa Mukura  ko yari yishimiye ubuzima bwo muri MVS, gusa akaba yaragombaga kubaha ibyifuzo bya Rayon Sports byo kumusubiza i Nyanza kuko akiyifitiye amasezerano.

vivien

 Mu kiganiro yagiranye n’urubuga rwa Mukura aragaragaza bimwe mu bihe by’ingenzi yagiriye muri Mukura.

Mukura yampaye umwanya wo kwigaragaza

M : Waje muri Mukura VS ku ntizanyo, tubwire ku buzima bwawe muri Mukura ?
V: Mukura ni ikipe bantije mvuye muri Rayon Sports, nagiriyemo ibihe byiza, naje mu mikino yo kwishyura (Phase Retour),mbasha gukina ndetse mbasha kwigaragaza ari na yo mpamvu Rayon Sports yangaruye.M :Urebye Mukura VS yagufashije iki ?
V : Urebye yatumye menyera kuko nibwo bwambere nari ntangiye gukina mu cyiciro cya mbere, bituma menyera, bituma ngira ubunararibone (expérience)
M : Ndibuka ko waje Kaze ari we utoza, icyo gihe ntiwahise ubona umwanya, nyamara waje kwigaragaza igihe Gatera Alphonse yari amaze kuba umutoza mukuru, ibanga ryari irihe ?

V :Gatera akimara kuza muri Mukura yagiriye inama Kaze Cédric -ubundi naje nkina nka myugariro wo hagati, Gatera abwira Kaze ko nshobora gukina mu b’inyuma, mbasha kuhakina ariko Gatera yaje yongeramo imbaraga.
M:Tubwire, ni ibihe bihe by’ingenzi wibuka byo muri Mukura cyangwa se umukino utazibagirwa ?

V :Umukino ntakwibagirwa ni umukino twakinaga na Kiyovu Sport, umukino nakinye neza nkabasha gutsinda igitego ,uyu ni umukino ntwakibagirwa.

M :Wari umaze iminsi ubona umwanya ubanzamo, abantu bifuza kumenya impamvu uhisemo kuza muri Rayon Sports nyamara wari ufite umwanya uhoraho muri Mukura ?
V :Rayon Sports ni ikipe yanjye, ni yo navuga ingenera buri kimwe cyose, ni yo inyereka aho nerekeza. Kubwanjye nari meze neza (muri Mukura) ariko numviye Rayon Sports kubera ko ari yo nari mfitiye amasezerano. Mukura ni ikipe nziza, ndamutse mvuye muri Rayon Sports nta yindi kipe najyamo usibye Mukura.

Niyonkuru Vivien wakiniye Mukura VS imikino icyenda agatsinda igitego kimwe avuga ko afite inzozi zo gutera imbere nk’umukinnyi ukiri muto.

AMAHIRWE KURI WE.

Tanga igitekerezo na Facebook

Tanga igitekerezo