Igikombe cy’umuvunyi:AS Kigali na Police FC ku mukino wa nyuma

Mu mpera z’icyi cyumweru nibwo hakinwe imikino yateguwe n’urwego rw’umuvunyi mu rwego rw gukangurira abanyarwanda igikorwa cyo kurwanya ruswa.

Mu mikino ya kimwe cya kabiri yakinwe kuri uyu wa gatandatu yahuje amakipe ane yakurikiranye ku myanya ya mbere muri shampiyona y’icyiciro cya mbere umwaka ushize wa 2013/2014.Iyo mikino yari yitabiriwe n’abantu benshi kuko kwinjira byari byagizwe ubuntu.

policeaskigaliruswa

Mu mukino wa mbere AS Kigali yasezereye APR FC nyuma y’uko iminota 90 y’umukino yarangiraga amakipe yombi anganya 1-1, igitego cya APR FC cyatsinzwe na Mukunzi Yannick mu gice cya mbere cy’umukino naho igitego cya AS Kigali kikaba cyabonetse mu gice cya kabiri gitsinzwe na Rusheshangoga Michel witsinze mu izamu rye hanyuma hakitabazwa penaliti kugirano haboneke igomba kujya ku mukino wa nyuma.

Undi mukino nawo wari utegerejwe wahuje Police FC na Rayon Sports , Police FC isezerera Rayon Sports ku ntsinzi y’ibitego 2-1, Police niyo yabanje kureba mu izamu ku gitego cyatsinzwe na kapiteni Mbaraga Jimmy, igitego cyo kwishyura cya Rayon Sports cyatsinzwe na Faustin Usengimana.

Rayon Sports yakinaga uyu mukino idafite abakinnyi Abouba Sibomana ,Makenzie na kapiteni Ndayisenga Fuadi.

Mu gice cya kabiri umukino wahinduye isura maze amakipe yombi arasatirana bikomeye ari nako ba rutahizamu bahusha ibitego byabazwe, umukino wenda kurangira Habyarimana  Innocent yatsinze igitego cya kabiri cya Police FC ku ishoti rikomeye ari nacyo cyasezereye ikipe ya Rayon Sports.

Umukino wa nyuma hagati ya AS Kigali na Police FC uteganyijwe ejo ku cyumweru tariki ya 07/12/2014 kuri Stade i Remeara guhera saa cyenda n’igice 15h30, ikipe izatsinda ikaba izahebwa igikombe  na sheki y’amafaranga angana na miliyoni eshatu y’u Rwanda (3,000,000 frw) naho iya kabiri ikazahabwa shekiy’amafaranga angana na miliyoni ebyiri (2,000,000 frw).

Tanga igitekerezo na Facebook

Tanga igitekerezo