Igikombe cy’Amahoro: Rayon,APR ,Police n’Isonga muri 1/2

Yanditswe na Rwanda Football ku wa 21.06.2015 saa 21:45 | Yasuwe : 2,472

Amakipey’ibigugu hano mu Rwanda APR FC , Rayon Sports FC na Police FC wongeyeho Isonga yasubiye mu cyiciro cya kabiri yabonye itike yo gukomeza muri 1/2 y’igikombe cy’Amahoro kui icyi cyumweru.

Mu mikino ya 1/4 ikipe ya  Rayon Sports  yatsinze Etincelles FC ibitego bibiri ku  byombi byatsinzwe na kapiteni Fuad Ndayisenge mu gice cya kabiri nyuma y’uko Etincelles nayo yari yihagazeho cyane mu gice cya mbere cyarangiye ari ubusa ku busa.

Rayon Sports muri uyu mukino niyo yabonye uburyo bwinshi bwo gutsina kurusha Etincelles y’i Rubavu, gusa uburyo bwose yabonye ntabwo ari ko yabubyaje umusaruro.

rayonet

Rayon Sports izahura na Isonga FC yo yabashije gusezerera ikipe ya Espoir FC y’i Rusizi kuri za Penaliti.Isonga Fc yasezereye ikipe ya Espoir muri kimwe cya kane bituma ikatisha tike yo gukina imikino ya kimwe cya kabiri cy’igikombe cy’amahoro cya 2015.

Kuri Sitade ya Muhanga Isonga Fc yanganyije na Espoir Fc igitego 1-1 mu minota 90  biba ngombwa ko hitabazwa penaliti kugirango haboneke ikipe itsinda. Isonga Fc yijinje penaliti 5-4 maze bituma igera muri kimwe cya kabiri cy’aya marushanwa.

Indi mikino ya kimwe cya kane yakinye kuri iki cyumweru, ikipe ya APR Fc yasezereye Gicumbi Fc kuri penaliti 5-4 nyuma yaho amakipe yombi anganyije igitego 1-1 ku mukino wabereye ku Kibuga cyo ku Mumena.

Muri kimwe cya kabiri, APR Fc izahura na Police Fc hanyuma Rayon Sports ikipe y’Isonga mu mukino ubanza kuwa gatandatu, tariki 27/06/2015.

Ikipe izegukana igikombe cy’amahoro izahagararira U Rwanda mu mikino nyafurika ya CAF Confederation Cup mu mwaka wa 2016.

Imikino ya kimwe cya kane  (1/4)
Sunday, 21/06/2015

25. APR Fc 1-1 Gicumbi Fc (5-4 Pen)
26. Rayon Sport 2-0 Etincelles Fc
27. Isonga Fc 1-1 Espoir FC (5-4 Pen)
28. Police Fc 1-1 SC Kiyovu (4-3 Pen)

Imikino ibanza ya kimwe cya kane  (1/2)
ku wa gatandatu, 27/06/2015

29. APR Fc vs Police Fc
30. Rayon Sports vs Isonga

Imikino yo kwishyura ya kimwe cya kane  (1/2)
ku wa gatatu, 01/07/2015

Winner 28 vs Winner 25
Winner 27 vs Winner 26

Umwanya wa gatatu
Saturday, 04/07/2015
Loser 29 vs Loser 30

Umukino wa nyuma
ku wa gatandatu, 04/07/2015

Winner 29 vs Winner 30

 

Tanga igitekerezo na Facebook

Tanga igitekerezo