Igikombe cy’Amahoro : Police na APR ku mukino wa nyuma

Yanditswe na Admin ku wa 28.06.2014 saa 08:20 | Yasuwe : 1,605

Imikino yo kwishyura ya ½ y’igikombe cy’Amahoro  kuri uyu wa gatanu tariki 27 Kamena yarangiye Police FC   na APR FC arizo zitsinze zikazahura ku umukino wa nyuma uzaba tariki ya 4 Nyakanga.

Muri iyi mikino  yabereye  umunsi umwe ,Police na SEC zakiniye ku Kicukiro , kuri  Stade ya Mumena, i Nyamirambo naho ntibyariAPR FC ihahurira na na Kiyovu Sports.

Muri uyu mukino Kiyovu yashakaga kugombora ibitego bitatu yatsinzwe mu mukino ubanza, gusa ikipe ya APR FC yahiriwe uyu mwaka ntabwo yaje kuyikundira kuko umukino nawo waje kurangira APR FC itahanye amanota atata n’intsinzi y’ibitego 3-2.

aprpolice

Umukinnyi Otieno wa Kiyovu niwe wafunguye amazamu  yitsinda  igitego maze aza kwisubira natsindira ikipe ye icya kabiri cyasangaga icya Laudit Mavugo. Myugariro Rugwiro Herve  na Iranzi Jean Claude watsinze igitego cyiza ni bo batsinze ibindi bitego bibiri bya APR FC.

Ku ruhande rwa  Police FC yakinaga na SEC Academy , ibintu byayoroheye cyane kuko waranzwe no kwiharira umupira mu gice cya mbere ku ikipe ya Police FC, byarangiye Police FC ariyo ibonye intsinzi y’ibitego 4-3.

Iyi ntsinzi y’uyu munsi ku ruhande rwa Police yaje yiyongera kuyo yari yabonye mu mukino ubanza, aho yatsinze SEC Academy ibitego 4-2, bityo Police yakomeje itsinze SEC ibitego 8-5.

Nk’uko byagenze mu mukino ubanza kandi mu bitego 4 Police yatsinze harimo 3 by’umukinnyi SINA Jerome yabonye ku munota wa munani (8), uwa 41 n’uwa 43, ikindi cyatsinzwe na Mutuyimana Musa.

Mu gice cya kabiri ikipe ya SEC yagarutse yahinduye imikinire maze ku munota wa 46 ihita ishyiramo igitego cya mbere cya tsinzwe na Ntwari Evode.

SEC yakomeje kotsa igitutu ikipe ya Police FC, ku munota wa 52 Ganza Isaac azagushyiramo igitego cya kabiri, mu gihe Police yasaga nk’iyananiwe, maze ku munota wa 66 Ntwari Evode atsinda igitego cye cya kabiri muri uyu mukino ari nacyo cya gatatu cya SEC.

SEC yakomeje kwataka ku munota wa 78 w’umukino ibona Penaliti yari gutuma yishyura ibitego byose yatsinzwe ariko Muganza Isac ayitera mu ntoki z’umunyezamu Ganza Alex, umukino uza kurangira utyo.

Umukino wanyuma w’igikombe cy’amahoro uzaba ku kuwa gatanu w’icyumweru gitaha tariki ya 4 Nyakanga, uhuze ikipe y’ingabo z’u Rwanda APR FC ndetse n’ikipe y’Igipolisi cy’u Rwanda Police FC.

Igikombe cy’amahoro cy’umwaka ushize cyatwaye n’ikipe ya AS Kigali, itsinze ikipe ya AS Muhanga ibitego3-0.

Tanga igitekerezo na Facebook

Tanga igitekerezo