Igikombe cy’amahoro kigeze muri 1/8

Yanditswe na Admin ku wa 05.06.2015 saa 10:29 | Yasuwe : 877

Imikino y’ igikombe cy’ Amahoro igeze muri kimwe cya cumi na gatandatu kuri iki cyumweru yakinwe aho ikipe ya Kiyovu Sports yanyagiye ikipe yo mu kiciro cya kabiri Hope ibitego 11 ku busa biyihisha uburenganzira bwo kuzakina imikino ya kimwe cya munani n’ indi kipe yo mukiciro cya kabiri

Ni umukino wabereye kuri stade Mumena aho ikipe ya Kiyovu Sports yabonye aka kayabo k’ ibitego ibifashijwemo na rutahizamu wayo Miami Mbakiye watsinzemo 4 ndetse na Kambale Salita nawe atsindamo ibitego bine, Sibomana Hussein, Munyakazi Yousuf na Kakira Suleyman buri wese atsinda kimwe.

Mu mikino ya kimwe cy’ umunani izatangira ku matariki ya 16 Kamena, ikipe ya Kiyovu Sports ikazacakirana n’ ikipe yo mukiciro cya kabiri ya Sorwathe yasezereye Marines FC iyitsinze 2-1.

policeamahoro15

Ikipe ya Marines FC yatunguwe isezererwa na Sorwathe yo mukiciro cya kabiri iyitsinze ibitego 2-1 umukino Marines yakinnye idafite abakinnyi bayo rutahizamu Mugenzi Bienvenue ndetse n’ umuzamu wayo Gahungu Habarurema bari mu ikipe y’ igihugu yatsinzwe na Uganda i Kampala kuwa gatandatu ibitego 2-0.

Ikipe y’ Amagaju FC yo mukarere ka Nyamagabe yasezerewe nayo n’ ikipe yo mukiciro cya kabiri Vision Jeunesse Nouvelle nyuma yo kunganya 1-1 maze Vision JN itsinda kuri penaliti 5-3.

Ikipe ya Bugesera yasezereye AS Muhanga biyihesha inzira yo kuzakina n’ ikipe izarokoka hagati ya APR FC izaba yakinnye na La Jeunesse kuwa kane naho ikipe ya ikipe ya SEC Academy yasezereye ikipe ya Esperance iyitsinze ibitego 3-2 ikazahura n’ ikipe izarokoka hagati ya Rayon Sports izakina na Gasabo United kuwa gatatu w’ iki cyumweru mu gihe Isonga izakira Unity nayo kuwa gatatu izarokoka izahura na AS Kigali.

APR FC yari ifite bakinnyi batanu mu ikipe y’ igihugu y’ abatarengeje imyaka 23 yo ntiyakinnye, Rayon Sports yarifitemo abakinnyi batatu nayo ni uko, Isonga FC yarifitemo babiri ntiyakinnye, Kiyovu Sports, POLICE, AS Kigali na Mukura VS zari buri imwe ifitemo umwe zarakinnye ndetse na Gicumbi yarifitemo umwe ndetse n’ umutoza y’ arakinnye.

Imikino yose y’ igikombe cy’ Amahoro ya kimwe cya cumi na gatandatu

Kuwa gatandatu, 30/05/2015

Police 3-0 ASPOR
AS Kigali 7-0 Pepiniere
Etincelles 2-1 Rwamagana
Mukura 5-1 Kirehe
Sunrise 4-2 Interforce
Gicumbi 3-1 Etoile de l’est

 

Ku Cyumweru, 31/05/2015

Kiyovu 11-0 Hope
Espoir 4-0 Miroplast
Musanze 5-0 Vision Fc
Amagaju 1-1 Vision JN (Pen 3-5)
Muhanga 2-2 Bugesera (Pen 3-4)
Marines 1-2 Sorwathe
Esperance 2-3 SEC

Kuwa Gatatu, 03/06/2015
Isonga vs Unity (Ferwafa, 15.30)
Rayon vs Gasabo (Kicukiro, 15.30)

Kuwa Kane, 04/06/2015
APR vs La Jeunesse (Kicukiro, 15.30)

Gahunda ya kimwe cya munani kirangiza

Kuwa Gatatu, Tariki 17/06/2015
APR FC/La Jeunesse   v Bugesera FC
Rayon Sports/Gasabo united v SEC Academy
AS Kigali v  Isonga/Unity
POLICE FC v Sunrise FC
Kiyovu Sports v Sorwathe
Espoir FC v Vision JN
Musanze FC v Etincelles

Mukura VS v Gicumbi FC

Tanga igitekerezo na Facebook

Tanga igitekerezo