Ibyavuye mu nteko rusange y’umuryango Rayon Sports

Yanditswe na Admin ku wa 18.05.2015 saa 11:53 | Yasuwe : 821

Umuryango wa Rayon Sports FC ariwo ufite amakipe Rayon Sports FC na Rayon Sports VCkuri icyi cyumweru wakoresheje inama y’inteko rusange kuri Hotel Alpha Palace i Remera

Muri iyi nama yayobowe na perezida w’umuryango wa Rayon Sports Ngarambe Charleshatangajwe ko ikipe y’umupira w’amaguru Rayon Sports FC ingengo y’imari izakoresha mu mwaka utaha wa shampiyona wa 2015-2016 ingana na 369 333 000 Frw.

Ku murongo w’ibyigwa hagombaga gutangira igikorwa cyo kwemeza komite ya Rayon Sports FC dore ko uretse Perezida w’iyi kipe Ntampaka Theogene, abandi bose bariho ku buryo bw’agateganyo.Nta cyahindutse na gito kuko abari basanzwe bari mu buyobozi by’agatenganyo nibo bongeye gutorwa burundu n’inteko rusange.

komiterayon15

Rudasingwa Jean Marie Vianney yakomeje kuba Vice perezida ushinzwe ubuyobozi ndetse na tekinike naho Habarugira Vital yakomeje kuba Vice Perezida ushinzwe Ubukungu mu gihe Ugirashebuja Adolphe yakomeje kuba umubitsi.Umuvugizi wa Rayon Sports yagumye ari Niyomusabye Aime . Uwimbabazi Console akaba atorerwa kuba Vice Perezida w’umuryango wa Rayon Sports.

Nyuma y’aya matora, Perezida wa Rayon Sports Ntampaka Theogene, yatangarije abari mu nteko rusange ko ikipe yabo itigeze yitwara neza mu mwaka ushize wa shampiyona, kubera bibibazo y’amikoro rimwe na rimwe bikitirirwa ubuyobozi kandi abakunzi benshi b’ikipe ntacyo bakoze.

Ntampaka yatangaje ko umwaka utaha bifuza kuzitwara neza ari nayo mpamvu bagomba gutangira kuwitegura hakiri kare. Kimwe mu byo bagombaga gukor ni ugushaka abakinnyi bashya aho nkuko yabitangaje, “Ikipe ya Rayon Sports iba igomba kugira umukinnyi w’umu ‘star” buri mwaka”.

Ntampaka yavuze ko batangiye kuvugana n’abakinnyi bari kurangiza amasezerano bifuza kugumana, ndetse bakaba bagomba no gushaka abashya bitarenze mu kwezi kwa karindwi. Muri rusange aba bakinnyi bazagurwa(harimo n’abarangiza amasezerano mu ikipe) bakaba batarenga 15 bakazatwara amafaranga angana na miliyoni 61 n’ibihumbi 500(61 500 000 Frw).Aya mafaranga akaba ari mu yatangajwe azakoreshwa mu ngengo y’imari y’umwaka utaha ingana na miliyoni magana atatu mirongo itandatu n’icyenda n’ibihumbi magana atatu mirongo itatu na bitatu(369 333 000 Frw).

Muri aya mafaranga kandi, harimo umushahara w’umutoza utagomba kurenga miliyoni n’igice ku kwezi(1 500 000) mu gihe impuzandengo y’umushahara w’abakinnyi ari ibihumbi magana atatu(300 000 Frw) ku kwezi. Aha kandi hakaba hemejwe ko nta mukinnyi uzarengerezwa miliyoni eshatu zo kugurwa(recrutement).

Mu bindi bizatwara amafaranga harimo umushahara w’umunyamabanga uhoraho ungana n’ibihumbi 400, Team Manager agahembwa ibihumbi 500(500 000) ndetse na Diregiteri tekinike akazabona amafaraga nkayo ku kwezi.

Aya mafaranga akaba azaturuka ku bafatnyabikorwa Skol itanga 35 500 000 ku mwaka, Fast Forward itanga ibikoresho bifite agaciro ka miliyoni 11 ku mwaka(11 000 000 Frw) mu gihe abanyamuryango b’icyubahiro buri mwaka batanga agera kuri 30 000 000 akarere ka Nyanza kagatanga 40 000 000.Habazwe ko amafaranga azinjira kuri stade abarirwa muri 65 000 000 Frw muri shampiyona, 15 000 000Frw mu gikombe cy’amahoro na miliyoni 10 000 000 mu mikino ya gicuti. Abafana bo bitezwe kuzatanga agera kuri miliyoni 180.

Ikindi kandi cyemejwe muri iyi nama ni uko buri mukunzi wa Rayon Sports azarangwa n’ikarita y’umunyamuryango igura 5 000 ikagurwa rimwe, ikagira nimero iyiranga aho ari ryo tandukaniro n’abandi bose biyitirira iyi kipe.

Tanga igitekerezo na Facebook

Tanga igitekerezo