Urutonde rw’abakinnyi 60 barebwa n’ibyangombwa

Yanditswe na Admin ku wa 26.09.2014 saa 20:21 | Yasuwe : 1,157

Mu rwego ro gushyira mu bikorwa icyemezo cyafashwe n’inzego zibishyinzwe cyo kugenzura imyirondoro y’abakinnyi bakina mu cyiciro cya mbere ,bakinnyi bagera kuri 60 nibo bitabye akanama ka Ferwafa gashinzwe gukurikirana abakekwaho kugira ibyangombwa bicyamangwa.

Abo bakinnyi kandi bitabye umwe umwe ikigo cy’igihugu gishinzwe abinjira n’abasohoka ngo basobanure ibibazo byabo.

Muri abo bakinnyi ,ikipe ya Rayon Sports ni yo yatumijwemo  benshi, aho abakinnyi  16 bose baciye imbere y’aka kanama, nubwo abasanzweho ibibazo ari mbarwa. Muri aba batashoboye kwikura imbere y’ako kanama harimo kapiteni wayo Ndayisenga Fuadi  wakinaga nk’umunyarwanda ariko bikaba byashyizwe hanze ko ari umurundi.

Fuadi-Ndayisenga

Ndayisenga Fuadi wasubujwe ubwenegihugu bw’uburundi

Nkuko lisiti y’aba bakinnyi ibigaragaza, Ndayisenga Fuadi yavugaga ko afite Mama we w’umunyarwanda ariko biza kugaragara ko uwo yitaga mama we ari uwahoze ari inshuti y’umubyeyi we witabye Imana. Ibi bikaba bivuga ko uyu mukinnyi azajya akina nk’umunyamahanga kuva mu mwaka utaha wa shampiyona.

Kuri uru rutonde kandi rugaragaza ko abakinnyi barindwi ba APR FC batumijwe ariko bane muri bo bakanga kwitaba, hakaba hategerejwe ikizakorwa kuri bo.

Amakipe Mukura VS na Espoir ni yo yashegeshwe cyane n’imyanzuro yavuye muri aka kanama kari kamaze iminsi kiga kuri iki kibazo cy’abakinnyi.

Ku rundi ruhande amakipe y’Isonga, Gicumbi, Etincelles na Marines ntabwo zigeze zitumirizwaho abakinnyi.

Dore urutonde rw’abakinnyi batumijweho bose

Police FC

  1. Mvuyekure Emery byavugwaga ko ari Umurundi ariko basanze ari umunyarwanda
  2. Peter Otema byavugwaga ko ari Umugande birangira nubundi byemejwe ko ari umugande nubwo afite Id
  3. Mbaraga Jimmy bivugwa ko yabatijwe gusa afite Passiporo y’u Rwanda bikekwa ko ari umu Congoman
  4. Atuheire Kipson hakekwaka ko atari umunyarwanda basanga ari we anafite passiporo nyarwanda
  5. Habimana Mussa witwa Moussa Ndusha avuga ko nyina ari umunyarwandakazi ariko sibyo ni umucongomani

Amagaju FC

  1. Bantu Adrien hakekwaga ko ari umu congomani ariko basanze ari umunyarwanda wo mu Cyanika
  2. Mukamba Jean Baptiste basanze ari umurundi nubwo afite indangamuntu y’u Rwanda
  3. Mumbere Saiba Claude basanze ari umu congomani
  4. Yumba Kayite basanze ari umu congomani nubwo afite indangamuntu y’u Rwanda

Sunrise

  1. Kauma Charles wiswe Gakumba Charles ni umugande nubwo afite ibyangombwa by’u Rwanda
  2. Ndayisenga Mbanyi ni umurundi nubwo afite indangamuntu y’u Rwanda

Mukura VS

  1. Nyango Ombeni wiswe Muyango Ombeni basanze ari umucongomani nubwo afite indangamuntu y’u Rwanda
  2. Ngendakumana Djuma Saidi ni umurundi nubwo afite indangamuntu y’u Rwanda
  3. Karekezi Etienne ni Umurundi bavugaga ko ari umunyarwanda
  4. Ndayegamiye Abou bavugaga ko ari umunyarwanda ariko ni umurundi
  5. Cyiza Mugabo Hussein byavugagwa ko ari umunyarwanda ariko ni umurundi
  6. Niyonzima Ally Byavugwaga ko ari umunyarwanda ariko ni umurundi

As Kigali

  1. Shamiru Bate ni Umugande nubwo afite indangamuntu y’u Rwanda
  2. Djumayine Hassan ubusanzwe yitwa Akanakimana hasanzwe ari umurundi nubwo afite ikarita yo muri Ambassade
  3. Tahata Hussein wabatijwe Sibomana Hussein ni umu congomani
  4. Murengezi Rodrigue byakekwaga ko ari umucongomana ariko Maj.Gen Mubarak Muganga yarabyemeje ko ari umunyarwanda
  5. Ndikumana Bodo Ni umurundi nubwo afite indangamuntu y’u Rwand agusa amaze igihe mu Rwanda

Kiyovu Sports

  1. Munyakazi Ndikumana Yussuf ni umurundi ufite passiporo ordinaire y’u Rwanda
  2. Musanze
  3. Mazuru Rodrigue ni umurundi nubwo afite indangamuntu y’u Rwanda
  4. Habimana Hassan byakekwaka ko ari umucongomani ariko Papy ni akazina azwiho,ni umunyarwanda
  5. Bizimana Djuma Byakekwaga ko ari umucongomani ariko ni umunyarwanda

Espoir

  1. Lomami Andre ni umunyarwanda kandi umuryango wose wibabo bafite indangamuntu we yarayibuze kuko ahuje amazina na se.
  2. Ndikumana Hamadi ni umurundi nubwo afite indangamuntu gusa yakiniye Amavubi igihe kinini
  3. Irakoze Ibrahim Nasser ni umurundi
  4. Kigundu Ibrahim Ni umunyarwanda nubwo byakekwaga ko ari umu congomani
  5. Said Abed Makasi Afite passiporo isanzwe nk’umunyarwanda. Akomoka muri Congo ariko yigeze gusenyerwa kubera gutsinda Congo-azahabwa indangamuntu y’u Rwanda.
  6. Keita Moninga Walusambo wabatijwe Kayumba Emmanuel ni umucongomani.
  7. Mbazumutima Mamadou ni umurundi nubwo afite indangamuntu y’u Rwanda. Ise wa Gashugi numwe mu babihamije.
  8. Kayiranga Moussa Eric ni umurundi nubwo afite indangamuntu y’u Rwanda

APR FC

  1. Yves Rwigema Ni umunyarwanda
  2. Buteera Andrew Ntabwo yitabye Komisiyo
  3. Bukebuke Yannick uzwi nka Mukunzi Yannick Ntabwo yitabye komisiyo
  4. Ndahinduka Michel Hakekwaga ko ari umurundi hasangwa ko ari umunyarwanda
  5. Bigirimana Issa ntabwo yitabye komisiyo
  6. Tibingana Charles Mwesigye Ntabwo yitabye Comission
  7. Ngabo Albert afite amazina atatu yose afitiye indangamuntu: Ngaboyisibo Albert na Ngabonziza Albert.

Rayon Sports

  1. Muganza Isaac ikibazo cye we n’impanga ye kizwi n’abashinzwe abinjira n’abasohoka bavukiye mu Rwanda
  2. Kasereka Fabrice wiswe Mutuyimana Mussa ni umu congomani nubwo afite ibyangombwa
  3. Ndayisenga Fuadi ni Umurundi. Yari yariyandikishije ko nyina ari uwitwa Uwonkunda Farida ariko hasanzwe uwo ari inshuti ya nyina. Mama wa Fuade yarapfuye, ise ni umurundi.
  4. Ilunga Arafat wiswe Serugendo Arafat ni umucongomani nubwo afite indangamuntu nyarwanda
  5. Sina Jerome ni umucongomani ukinira Amavubi kuri Passport de Service
  6. Bizimana Djihad ni umunyarwanda
  7. Ishimwe Kevin ni umunyarwanda
  8. Kambale Salita Gentil ni umucongomani
  9. Kanamugire Moses ni umunyarwanda
  10. Majyambere Alype ni umunyarwanda
  11. Niyonkuru Vivien ni umunyarwanda
  12. Nizigiyimana Karim ni umurundi
  13. Sibomana Bakri ni umunyarwanda
  14. Tubane James ni umunyarwanda
  15. Usengimana Faustin ni umunyarwanda

Source : Ruhagoyacu

Tanga igitekerezo na Facebook

Tanga igitekerezo