Isoko ryo kugura no kugurisha abakinnyi

Yanditswe na Rwanda Football ku wa 09.09.2014 saa 10:09 | Yasuwe : 463


Kuri uyu wa mbere tariki ya 8 Nzeri 2014 ni bwo isoko ryo kugura no kugurisha abakinnyi mu Rwanda byari biteganyijwe ko rifungwa saa sita z’ijoro.

Abakurikiranira hafi ariko iki gikorwa barahura n’imbogamizi yo kutabona amakuru cyane cyane amafaranga bari kugurwa biva mu buyobozi bw’Amakipe buri kwihatira  kugura abakinnyi bashya, abandi basezererwa  mu buryo butunguranye. Amakipe atatu niyo bivugwa ko yaraye agejeje kuri FERWAFA urutonde rw’abakinnyi azakoresha nubwo biri kuvugwa ko rishobora kongerwaho igihe.

transferts

Rayon Sports FC

Amakuru atugeraho ni uko Rayon Sports yaba yarekuye umukinnyi wo hagati Hussein Sibomana ufite ikibazo cy’ibyangombwa , uyu akaba arimo kurwanirwa na Kiyovu Sports na Sunrise yo mu Ntara y’Iburasirazuba izamutse mu cyiciro cya mbere. Biravugwa ko ibiganiro bikomeje hagati y’ubuyobozi bwa Rayon Sports na  Nova Bayama warekuwe na  APR FC, ihuriyeho na Sunrise muri iyi minsi yari iri ku isoko ry’abakinnyi cyane.Rayon Sports kandi yananibiwe kumvikana ku mafaranga na Iranzi Jean Claude.

APR FC

Ikipe ya APR FC izwiho kuba ariyo itunze abakinnyi benshi b’abanyarwanda iravugwaho kuba yatije abakinnyi bane, isezerera abandi batatu ndetse igura abakinnyi Bertrand Iradukunda wahoze mu Isonga FC, Arafat Bahame wari rutahizamu wa Etincelles , bikavugwa ko amafaranga yishyuwe yahawe ikipe yaturutsemo kuko yari atararangiza amasezerano. APR yatije amakipe abakeneye Kassim Ndayisenga, Umuzamu Omar Rwabugiri, Suleiman Kakira na Jules Nigena ; ndetse inasezerera Sugira Ernest, Amdan Bariyanga;Nkinzingabo Fiston na Isai Songa. Ernest Sugira na Suleiman Kakira bakaba bbahise yerekeza mu ikipe ya AS Kigali.

Sunrise FC

Iyi kipe y’Intara y’Iburasirazuba izajya yakirira amakipe mu Karere ka Rwamagana, yazamukanye mu kiciro cya mbere amashagaga n’inyota yo gushaka kwitwara neza.Ku isoko ry’abakinnyi iragaragara cyane, abakinnyi benshi barangije amasezerano mu makipe bakinagamo wasangaga bivugwa ko ibashaka.

Ku munsi wa nyuma wo kugura no kugurisha abakinnyi amakuru akaba avuga ko yamaze kugura rutahizamu ukiri muto wakinaga mu Isonga witwa Iradukunda.

Tanga igitekerezo na Facebook

Tanga igitekerezo