Ibikombe by’Africa: Rayon na APR zizajya mu misiri

Yanditswe na Admin ku wa 02.03.2015 saa 13:18 | Yasuwe : 785

Amakipe ahagararariye u Rwanda mu marushanwa y’ibikombe by’Afurika Rayon Sports na APR  yabonye ama ticket ayajyana muri 1/16 akazahura n’amakipe yo mu Misiri

Mu mikino y’amajonjora ya 1/32 ya Confederation CUp ikipe ya Rayon Sports yasezereye ikipe ya Panthere du Nde yo muri Cameroun nyuma yo kuyitsinda igitego kimwe ku busa cyatsinzwe na Isaac Muganza ku munota wa 14 w’igice cya mbere.Igiteranyo cy’ibitego bibiri mu mikino yombi ni byo bihesheje ikipe ya Rayon Sports gukomeza mu mikino ya 1/16 aho izahura n’ikipe ya Zamalek yo mu misiri.

Ni umukino wari ku rwego ruciriritse watangiye ikipe ya Rayon Sports isatira cyane ishaka gutsinda igitego hakiri kare. Ibi bikaba byatumye ku munota wa kabiri  ibona coup franc itewe ntibyagira icyo itanga.Rayon Sport yakomeje gusatira byaje no kuyihira ku buryo  munota wacumi na kane yabonye igitego cyiza cyatsinzwe na Muganza Isaac ku mupira mwiza  yari ahawe na Uwambazimana Leon.

Ibi byahaye Rayon Sports imbaraga  ziherekejwe n’umurindi w’abafana batari bitabiriye cyane umukino nk’ibisanzwe bituma ikipe ikomeza gukina ishakisha ikindi gitego, ari na ko inyuzamo igasubira inyumakurinda. Panthere nayo yanyuzagamo ikagera ku izamu rya Rayon Sports ntibashe kureba mu izamu igice cya mbere kiza kurangira ari igitego kimwe kuri kimwe.

rayaprcups

Mu gice cya kabiri amakipe yombi  nta kintu kinini yagaragaje uretse ko Rayon Sports yanyuzagamo igasatira ishakisha igitego cya kabiri. Ku munota wa makumyabiri , Rayon Sports yahushije uburyo bwiza, nyuma y’akazi keza kari gakozwe na Peter Otema ariko abakinnyi barimo Fuadi na Muganza umupira habura uwinjiza mu izamu.

Rayon Sports yakomeje guhusha uburyo bwinshi irusha Panthere du Nde itigeze igira icyo yerekana gitangaje usibye umupira umwe wasiririsimbye imbere y’izamu rya Bakame ukabura uwushyiramo.Umupira waje kurangira ku ntsinzi y’igitego 1 – 0  bihesha itike Rayon Sports yo kuzahura na Zamalek yo mu Misiri mu cyiciro gikurikira.

Umutoza wa Rayon Sports Sostene Habimana avuga ko yishimiye iyi ntsinzi kandi ko bagiye gukomeza gutegura ikipe izakomeze kwitwara neza.Ku ruhande rw’ikipe ya Panthere du Nde, umutoza Ndoumbe Bosso yatangaje ko Rayon Sports yahuye nayo uyu munsi yari itandukanye cyane n’iyo bakinnye muri Kameruni. Asanga Rayon Sports bahuye uyu munsi yari iri ku rwego rwo hasi  ariko na none agasanga ifite abakinnyi bamwe na bamwe bakomeye badakwiye kuba bagikina mu Rwanda, aho yavuze Peter Otema, Ndayisenga Fuadi n’Usengimana Faustin.

Abakinnyi banje mu kibuga ku mpande zombi

Rayon Sports:

  • Ndayishimiye Eric
  • Usengimana Faustin
  • Tubane James
  • Manzi Censere
  • Imanishimwe Emmanuel
  • Ndatimana Robert
  • Bizimana Djihad
  • Uwambazimana Leo
  • Ndayisenga Fuadi
  • Peter Otema
  • Muganza Isaac waje gusimburwa na Kwizera Pierrot

Panthere du  Nde :

  • Fodjo Lali Theo
  • KOUT Kout
  • Meuteng Meuteng
  • Mbondi Som Zachee
  • Djumo Djumo
  • Eyoum Ebonge Francois
  • Ngayaou Ngayaou
  • Meyong A Etong Alfred
  • Abogo Frankl
  • Nfor Nelson
  • Jean Nlo.
Kuwa gatandatu Ikipe ya APR FC ysezereye Liga Muçulmana Desportiva yo muri Mozambique iyitsinze ku bitego 2-1 mu irushanwa ry’amakipe yabaye aya mbere iwayo ku mugabane wa Afurika.Ibitego bya APR FC byatsinzwe na Mububyi Barnabe ndetse na Mugiraneza Jean Baptitse bita Migi.Igitego kimwe cya Liga Desportiva de Muçulmana cyatsinzwe na Saddan Abdul Raffael Guambe.
Uwo mukino wabereye kuri Sitade Amahoro i Remera kuri uyu wa gatandatu tariki ya 28 Gashyantare 2015. Ni umukino wari witabiriwe n’abafana benshi bitandukanye n’indi.
Nyuma y’umukino, umutoza wa APR FC, Mashami Vincent, yatangaje ko bishimye kuko aho bavuye hatari heza kuko APR ari yo yabanje gutsindwa igitego cya mbere.Yagize ati :”Twari twamaze gutsindwa igitego turi mu rugo birumvikana, yari gahunda yayo ya mbere kuza gushaka igitego ikakibona. Akazi kari gasigaye ni ukubyakira kandi tukabivamo vuba tukagerageza kumva ko bishoboka”.
Mashami avuga ko igitego batsinzwe cyatewe no kutumvikana kw’abakinnyi b’inyuma n’umuzamu, kuko umupira wasohotse we ntiyirukane ba myugariro be bagumya kumukingiriza bamushose ntiyawubona.Akomeza  avuga ko byagoranye kugira ngo abakinnyi be babyakire bitewe n’uko bari mu rugo kandi bari bazi ko akazi bakeneye ari ugushaka ibitego 2.
Umutoza wa Liga Desportiva Muçulmana de Maputo, Dusan Dule yabwiye itangazamakuru ko bakwiye gushimirwa n’umusifuzi wabo.
Abakinnyi ba APR FC babanje mu kibuga:
1. Kwizera Olivier
22. Rusheshangoga Michel
3. Ngabonziza Albert
8. Bayisenge Emery
13. Nshutinamagara Ismael
7. Mugireneza Jean Baptiste
6. Mukunzi Yannick
10. Sekamana Maxime
24. Ndahinduka Michel
26. Bigirimana Issa.
Abakinnyi ba Liga Muçulmana babanje mu kibuga:
29. Vando Da Costa Justino
3. Francisco Mioche
5. Mustafa Arnaldo Hadji Ismail
6. Fernando Jose Cesar
7. Washington Pakamisa
8. Liberty Ndadzungira
9. Manuel Uetimane
18. Eusebio Piru Manwere
21. Saddan Abdul Rafael Guambe
24. Hermenegildo Mutambe
27. Momed Antonio Hagi.
Ku ruhande rw’ikipe ya APR FC Sekamana Maxime yasimbuwe na Mububyi Bernabe naho Sibomana Patrick asimbura Bigirimana Issa.
Fernando Jose Cesar yasimbuwe na Jose Bernardo Cumbe naho Zicco Lovermore asimbura Washington Pakamisa ku ruhande rwa Liga Muçulmana.
Tanga igitekerezo na Facebook

Tanga igitekerezo