Hitimana Thierry azitabira amahugurwa mu Budage

Yanditswe na Admin ku wa 13.08.2015 saa 12:44 | Yasuwe : 965

Thierry Hitimana ,umutoza w’umunyarwanda, azitabira amahugurwa y’ubutoza azamuhesha urwego rwa B (level B). Ayo mahugurwa azabera mu Budage,kuri centre yitwa Hennef Sports Centre, guhera tariki 7/09/2015 kugeza kuri 25/9/2015.

Hitimana w’imyaka 36 y’amavuko, amaze imyaka 12 mu mwuga w’ubutoza, yabonye amahugurwa atandukanye atangwa na FIFA ndetse n’atangwa na CAF ajyanye n’uwo mwuga, akaba afite urwego rwa B (level B) .

Uyu mwaka , yabaye umutoza wungirije w’ikipe y’igihugu Amavubi aho yungirije umutoza Johnathan McKinstry mu mukino wahuje ikipe y’igihugu Amavubi y’abatarengeje imyaka 23 mu mukino n’ikipe ya Somalia.

hitimanathierryMu mwaka wa 2012-2015,yari umutoza wungirije mu ikipe y’igihugu Amavubi y’abatarengeje imyaka 23,naho kuva mu mwaka wa 2003 kugeza muri 2015,yari umutoza wungirije mu ikipe ya Rayon Sports FC.

Umunyamabanga Mukuru w’Ishyirahamwe ry’umupira w’amaguru mu Rwanda (FERWAFA) Me. Mulindahabi J. Olivier avugana n’urubuga rwa Ferwafa yagize ati :”Leta y’Ubudage yasabye FERWAFA kuyohereza abatoza bazitabira amahugurwa y’abatoza bazabona urwego rwa B ( level B) .Hitimana ni we watoranijwe mu bandi benshi bari banditse basaba nabo kuzakurikirana ayo mahugurwa.”

Ayo mahugurwa azamara ibyumweru bitatu azatangwa mu rurimi rw’icyongereza,50% by’amasomo akazatangirwa muri salle(class),andi masomo bakazayahabwa ku bibuga (field)

Tanga igitekerezo na Facebook

Tanga igitekerezo