Higiro Thomas yagiye guhugurwa mu Bufaransa

Yanditswe na Admin ku wa 06.07.2015 saa 10:43 | Yasuwe : 443

Umutoza w’abazamu wa As Kigali ndetse n’ikipe y’igihugu Amavubi  yabatarengeje imyaka 23  Higiro Thomas yagiye mu Bufaransa  mu mahugurwa y’abatoza b’abazamu azabera  mu mujyi wa Marseille.

Aya mahugurwa yagenewe abatoza b’abazamu b’amakipe y’ibihugu by’Afrika azatangira kuri uyu wa mbere akaba azamara iminsi icumi.Higiro Thomas yemeje ko ariya mahugurwa azamufasha kungera ubumenyi azifashisha ubwo azaba atoza abandi batoza nabo bakora akazi ko gutoza abazamu mu yandi makipe.

Higiro yagize ati “ Ngiye mu mahugurwa mu Bufaransa azamfasha kuba umwarimu w’abatoza b’abazamu ndetse azanyongerera ubumenyi mu mirimo nsanzwe nkora yo gutoza abazamu.”

higirothomasHigiro Thomas avuga ko ubusanzwe abatoza b’abazamu basaga n’abibagiranye  muri ruhago kuko ngo wasangaga nta mahugurwa yo ku rwego rwo hejuru babonaga.

Ati: “ Ubusanzwe twatozaga kuko twakinnye mu izamu hari tekiniki nshya zazaga ntituzimenye ariko ubu biri kugenda bihinduka.”

Higiro Thomas usibye kuba ari umutoza, yabaye umuzamu ukomeye hano mu Rwanda wamamaye ku izina ka Wembo Thomas  yakinnye mu  makipe nka Mukura VS ,Rayon sport na APR FC.

Tanga igitekerezo na Facebook

Tanga igitekerezo