Hari gutegurwa umukino wa gicuti Rwanda-Gabon

Yanditswe na Admin ku wa 01.07.2014 saa 16:11 | Yasuwe : 1,210

Mu rwego rwo kwitegura umukino w’amajonjora ya kabiri y’igikombe cya Afurika kizabera muri Maroc muri 2015, Ikipe y’igihugu y’umupira w’amaguru Amavubi iri gutegura umukino wa gicuti na Gabon tariki 11/7 /2014.

Nkuko ishyirahamwe ry’umupira w’amaguru mu Rwanda Ferwafa ribitangaza , uyu mukino uri mu rwego rwo kwitegura ikipe ya Congo Brazzaville bazakina umukino ubanza uzabera muri Congo  mu mpera z’icyumeru cyo kuva ku ya 1- 19/7 /2014.

Mu cyiciro cya mbere u Rwanda rwasezereye Libya ruyitsindira hano i Kigali  ibitego 3-0.Congo Brazaville yo yasezerye  Namibia ku bitego 3-1 uteranije imikino yombi yabahuje.

rp_Rwanda-Libya-300x200.jpg

Umutoza w’Amavubi Stephen Constantine nawe ntiyicaye ubusa kuko  amaze iminsi akurikirana hafi  imikino ya shampiyona ashakisha ko yabona abandi bakinnyi yakongera mu ikipe y’igihugu. Kugeza ubu, umukinnyi mushya uvugwa wakongerwamo ni Sina Jerome umaze iminsi yitwara neza muri Police.

U Rwanda ruramutse rusezereye Congo Brazaville, rwahita rujya mu mikino y’amatsinda aho rwaba ruri kumwe na Sudani , Afurika y’epfo  na Nigeri .

Ikipe ebyiri za mbere muri buri tsinda zizahita zibona itike yo kujya mu gikombe cya Afurika cy’umwaka utaha wa 2015, mu gihe ikipe za gatatu zizaba zitwaye neza mu matsinda yose na zo zizabona amahirwe yo kwerekeza muri Maroc.

U Rwanda rwaherukaga kujya mu gikombe cya Afurika  ubwo cyaberaga muri Tunizia muri  2004

Tanga igitekerezo na Facebook

Tanga igitekerezo