Habimana Sosthène niwe uzakomeza gutoza Rayon Sports

Yanditswe na Admin ku wa 06.02.2015 saa 19:47 | Yasuwe : 900

Nyuma yo gutandukana n’uwari umutoza mukuru wayo Andy Mfutila Magloire, Rayon Sports yahisemo kugumana na  Habimana Sosthene nk’umutoza mukuru kugeza iyi shampiyona irangiye.

Umuvugizi wa Rayon Sports, Niyomusabye Emmanuel yagize ati “yayikinnyemo azi inshingano zihambaye z’ikipe yakiniye ayitozamo. Nta bindi bintu bihambaye tugomba kumubwira kandi azi igituma uwo twari turi kumwe agenda; icyo dushaka arakizi”.Niyomusabye avuga ko bongeye kubiganiraho nawe abizi ku buryo yagarurira icyizere abakunzi b’ikipe.

Ati “twamuhaye ikipe. Icyizere twakimugiriye umunsi tumuzana muri buyobozi. Bivuze ngo icyizere turakimufitiye kuko iyo tutaza kukimugirira tuba twarashatse undi akaba ari we uza mu ikipe yacu”.

sosthene2

Avuga ko ibyo baganiriye ari uburyo yagarurira icyizere abakunzi ba Rayon Sports, ndetse nta masezerano mashya yahawe, usibye ko azayibera umutoza mukuru kugeza umwaka wa shampiyona y’icyiciro cya mbere urangiye.

Yagize ati “nta yandi masezerano twagiranye. Ibyabaye byose ni ibiganiro twagiranye. Amasezerano asanzwe ayafite nta kindi twongeyeho, icyo twamusabye gukora ni ugufata ikipe akava mu bihe bibi irimo ikaba ikipe igarurira abakunzi bayo icyizere”.

Ikipe ya Rayon Sports nta wundi mutoza yaba yiteguye guha amasezerano mbere y’uko imikino ya shampiyona irangira nyuma yo kwirukana Andy Mfutila wamaze imikino 10 adastinda umukino n’umwe.

Habimana yari asanzwe ari umutoza wungirije mu ikipe ya Rayon Sports iri ku mwanya wa ku mwana wa 4 muri shampiyona n’amanota 22 gusa.

Tanga igitekerezo na Facebook

Tanga igitekerezo