Gutsindwa 13-0 ni bicye-Umuyobozi wa Freedom women Football Club

Yanditswe na Admin ku wa 15.05.2017 saa 20:06 | Yasuwe : 41

Perezida wa Freedom women Football Club yo mu karere ka Gakenke  Hakuzimana S Corenelle,  yabibwiye itangazamakuru nyuma yo gutsindwa na AS Kigali Women Football Club ibitego 13-0 mu mukino w’umunsi wa 2 wa shampiyona y’abari n’abategarugori mu Rwanda wabereye kuri Stade ya Kigali I Nyamirambo kuri uyu wa gatandatu tariki 13 Gicurasi.

AS Kigali niyo yari yakiriye muri uyu mukino gusa abakinnyi n’abayobozi ba Freedom ngo bishimiye ko noneho batsinzwe ibitego bike na AS Kigali kuko mu busanzwe yajyaga ibitsinda ibigera muri cumi na bitanu cyangwa makumyabiri, bakaba basanga rero hari urundi rwego bamaze kugera nubwo bemeza ko bagifite byinshi byo gukosora.

“ntitwakinnye umukino wa mbere kuko twageze ku kibuga dukererewe kubera akabazo ko guhana amakuru.Ubu iyi ntsinzwi ntivuze ko hari igikuba gicitse kuko iyi AS Kigali yajyaga idiutsinda ibitego bigera muri za cumi na bitanu, ariko byibura tubashije kuba twatsindwa cumi na bitatu ndakeka hari urundi rwego tumaze kugeraho natwe kuko hari andi makipe tujya twisasira ”

“Icyiza ni uko tumenye urwego turiho. Tugiye guhuriza abakinnyi hamwe kuko bari bamaze iminsi batatanye, baze babane mu rwego rwo kujya tubitaho nk’uko byahoze. Hari abakinnyi bataje uyu munsi kubera impamvu zitandukanye, ikindi ni uko twahisemo kubaka duhereye mu bana.”– Hakuzimana S Corenelle, perezida wa Freedom aganira n’itangazamakuru nyuma y’umukino

Imyiteguro idahagije y’abakinnyi nayo ngo yagize uruhare muri iyi ntsinzwi kuko hari bamwe bari bamaze igihe mu biruhuko nanubu bataragera mu ikipe. Gusa ngo guhuriza ikipe hamwe nicyo bashyize imbere kandi bizera ko bizahindura byinshi mu gihe bakiri mu ntangiriro za shampiyona.

Tanga igitekerezo na Facebook

Tanga igitekerezo