Gicuti : Etincelles 1-1 APR FC

Mu gihe shampiyona isigaje iminsi mike ngo itangire, amakipe yo mu cyiciro cya mbere arimo kwitegura akina imikino ya gicuti.

Ikipe ya APR FC ifite igikombe cya shampiyona giheruka iri mu makipe amaze iminsi yitegura ndetse anakina imikino ya gicuti mu rwego rwo kugira ngo abakinnyi badasubira inyuma.

Mbere y’impinduka zabaye, shampiyona yagomba gutangira taliki 20 Nzeri 2014 biza guhinduka yimurirwa taliki 18 Ukwakira 2014.

Ikipe ya APR FC mu mpera z’icyumweru gishize taliki 04 Ukwakira 2014 yakinnye umukino wa gicuti na Etincelles FC, urangira amakipe anganya igitego 1-1. Umukinnyi wa APR FC ubundi udakunze gutsinda ibitego Buteera Andrew ukina hagati niwe wabashije gutsindira APR FC naho Etincelles FC itsindirwa na Hategekimana Bonaventure bita Gangi kuri penaliti.

etincelles14

Ikipe ya APR FC ifite gahunda yo gukinisha abakinnyi bakiri bato, umwaka ushize yegukanye igikombe cya shampiyona n’igikombe cy’Amahoro. Umwaka wari wabanjirije uyu ikaba itari yabashije kwitwara neza. Ku bakurikirana shampiyona y’u Rwanda ndetse n’amarushanwa ya hano baremeza ko iyi kipe ishobora kuzitwara neza ndetse ikaba yokongera kwisubiza iki gikombe.

Impamvu nyamukuru ni uko APR FC ubu ihagaze mu mibare y’abakinnyi kandi bamaze kumenyerana bitandukanye n’andi makipe bihanganira igikombe arimo Rayon Sports, Police FC. Aya makipe amenshi yongonzwe n’ikibazo cy’abakinnyi b’abanyamahanga aribyo bisobora gutuma agira ikibazo gikomeye mu mikinire n’imikinishirize y’abo bakinnyi.

Ku munsi wa mbere wa shampiyona, taliki 19 Ukwakira 2014, APR FC izakira Musanze FC kuri Sitade ya Kigali i Nyamirambo. APR FC ikaba ifite umutoza ukomoka muri Seribia Ljubomir Petrovic wahawe amasezerano y’umwaka umwe, akaba yungirijwe na Mashami Vincent ushobora kuzasigarana ikipe igihe amasezerano y’uyu mutoza azaba arangiye.

Tanga igitekerezo na Facebook

Tanga igitekerezo