Ndayisenga Fuadi arashakishwa na Sofapaka yo muri Kenya

Umukinnyi w’umurundi  Ndayisenga Fuadi kapiteni w’ikipe ya Rayon sports wari umaze imyaka ine aykinira agiye kwerekeza muri Sofapaka Fc yo muri Kenya mu cyiciro cya mbere.
Ku bijyanye n’amasezerano n’umushahara azahabwa  n’iyi kipe imwe mu yakomeye muri aka karere yamaze kubyumvikana n’iyi kipe, igisigaye ni uko ikipe akinira ya Rayon Sports imurekura.Amakuru dukesha ikinyamakuru Izuba Rirashe mu kiganiro cyagiranye na Fuad ku murongo wa telefoni nuko  yemeye ko yamaze kumvikana n’iyi kipe yo muri Kenya binyuze ku mujyanama we, igisigaye ari ukwerekezayo agatangira kuyikinira.

Fuadi aragira ati “Sofapaka yanyuze ku mujyanama wanjye barumvikana, nyuma arabinganiriza numva ni byiza nanjye ndabishima, nzasinyayo imyaka ibiri, ndetse umushahara n’amafranga bazangura (frais de recrutement) narabyishimiye cyane, Sofapaka ni ikipe nziza, ndibaza ko nanjye ningerayo nzagerageza gukora cyane ngo ikomeze kwitwara neza.” Fuadi yirinze gutangaza amafranga azajya ahembwa ku kwezi ndetse n’amafranga azagurwa avuga ko bikiri ibanga.

fuadUyu musore akomeza avuga ko nubwo yamaze kumvikana na Sofapaka, atarabitangariza ubuyobozi bwa Rayon Sports, ategereje ko irushanwa ry’igikombe cy’Amahoro rirangira agasaba urupapuro rumurekura (release letter) akerekeza muri Sofapaka kuko aribwo azaba arangije amasezerano muri Rayon.

Fuadi kandi ahakana amakuru yari amaze iminsi mu itangazamakuru avuga ko ari hafi gusinya muri Police FC ya hqno mu Rwanda  kuko nta muyobozi n’umwe wa Police FC bigeze baganira kuri iyo ngingo.

Niyomusabye Aimé Emmanuel; umuvugizi w’ikipe ya Rayon Sports, avuga ko amakuru ya Fuad yo kwerekeza muri Kenya batarayamenya, gusa akemeza ko akurikije uko uyu musore yitwara muri iyi minsi byerekana ko adashaka kongera amasezerano muri Rayon Sports. Akomeza avuga ariko avuga ko usibye na Fuad, nta mukinnyi bazingingira kuguma mu ikipe yabo, ahubwo bazasinyisha ababishaka.

Tanga igitekerezo na Facebook

Tanga igitekerezo