FIFA izubakira U Rwanda hoteli y’amakipe y’igihugu

Yanditswe na Rwanda Football ku wa 12.10.2014 saa 15:34 | Yasuwe : 813

Ishyirahamwe ry’umupira w’amaguru kw’isi (FIFA) ryemereye kubakira FERWAFA inyubako y’amacumbi (accomodation center/hotel) izajya yakira amakipe y’igihugu yo mu Rwanda.

Uyu mushinga wemejwe mu mishanga 32 y’iterambere FIFA izatera inkunga kw’isi mu minsi ishije nyuma yaho ubuyobozi bwa FERWAFA busabiye iyi inkunga yo kubaka iyi hoteli kubera ko izabafasha mu kwihaza ndeste n’amafaranga avuyemo akazafasha mw’iterambere ry’ibikorwa by’ishyirahamwe rya ruhago mu Rwanda.

Iyi hoteli izafasha mu kugabanya ibiciro by’amacumbi y’ikipe z’igihugu byatangwanga mu ma hoteli atandukanye mu gihe biteguraga imikino itandukanye.

Iyi hoteli izafasha amakipe yo mu Rwanda kurushaho kwitegura neza imikino mpuzamahanga aho abakinnyi bazajya babana hamwe.

ferwafahq

Iyi hoteli irimo kwigwa aho izubakwa izatwara akayabo kangana na $500,000 ahwanye na miliyoni 343 Rwf. kandi ikaba ari umushinga wa gatanu FIFA  ‘Goal Project’ iteyemo inkunga u Rwanda .

FIFA yatangiye gutera inkunga U Rwanda mu mishanga ya Goal guhera mu mwaka wa 2001, aho yafashije FERWAFA kubaka ibiro bikuru byayo.

Muri 2007, FIFA yateye inkunga ya tapis synthétique  y’ikibuga cy’umupira w’amaguru cya FERWAFA; muri 2008, FIFA yafashije U Rwanda kubaka ishuri ry’umupira w’amaguru ribarizwa kuri FERWAFA naho mu 2011, FIFA ifasha u Rwanda mu gushiraho tapis synthétique  y’ikibuga cya Muhanga.

Iyi hoteli iteganywa gutangira kubakwa umwaka utaha mu kibanza Leta izagenera FERWAFA nyuma y’ibiganiro inzego zombi zirimo kugirana.

Tanga igitekerezo na Facebook

Tanga igitekerezo