FERWAFA yimuye amasaha y’umukino wa APR FC na Rayon

Yanditswe na Admin ku wa 30.10.2014 saa 19:29 | Yasuwe : 981

Ishyirahamwe ry’umupira w’amaguru mu Rwanda ryakiriye kandi ryemeza icyifuzo cy’APR FC cyo kwimura amasaha umukino wayo na Rayon Sports.

Uyu mukino wari utaganyijwe kuri iki cyumweru 15h30’ zo mu Rwanda, wamaze kwimurirwa 18h00’ kuri iki cyumweru, tariki ya 02 Ugushyingo 2014.

Ibi bikaba byarasabwe n’ikipe ya APR FC igomba kwakira uyu mukino, biza kwemezwa n’ubuyobozi bw’ishyirahamwe ry’umupira w’amaguru mu Rwanda, nk’uko itangazo rigaragara k’urubuga rwa FERWAFA ribivuga.

Rayon_vs_Apr-2

Uyu mukino APR FC yasabye ko wakwimurwa nyuma y’uko uhuje amasaha n’umukino wo mu gihugu cy’Ubwongereza, ugomba guhuza ikipe ebyiri zo mu mujyi wa Manchester , Manchester City na Manchester United ku isaha ya 15h30’ zo mu Rwanda.

Uyu mukino ugiye guhuza aya makipe Rayon Sports iri ku mwanya wa mbere n’amanota 10, ikaba irusha APR FC ibitego 3 gusa izigamye.

apr- rayon gusubiza

Tanga igitekerezo na Facebook

Tanga igitekerezo