Ferwafa yasabye Abanyarwanda imbabazi

Yanditswe na Admin ku wa 02.10.2014 saa 14:13 | Yasuwe : 923

Umuyobozi w’ishyirahamwe ry’umupira w’amaguru mu Rwanda Ferwafa Nzamwita Vincent De Gaule yasabye imbabazi abanyarwanda bose ari kumwe na Minisitiri w’umuco na Sports Joseph Habineza bitewe n’ikibazo cy’abakinnyi bafite ubwenegihugu  bubiri.

Muri kiganiro bagiranye n’abanyamakuru kuri uyu wa gatatu  MINISPOC iri kumwe na Ferwafa, Minisitiri  Joseph Habineza yagarutse cyane ku kibazo kimaze iminsikivugwa mu mupira w’amaguru mu Rwanda ku bijyanye n’abakinnyi bafite ubwenegihugu bubir cyane cyane ariko  abahinduriwe amazina abenshi bakomoka mu gihugu cya RDC.

joedegaulle

Minisitiri Joseph Habineza yagize ati ” Maze iminsi numva mu bitangazamakuru muvuga cyane ku bijyanye  n’abakinnyi bahinduriwe amazina n’ubwenegihugu. Ndahamya ko abakinnyi bose bahinduriwe amazina bagahabwa n’ibyangombwa babihawe  mu buryo butemewe n’amategeko akaba ariyo mpamvu bigomba guhagarara guhera ubu, amahirwe ya nyuma bafite nuko bashobora gusaba ubwenegihugu banyuze mu nzira zabugenewe.”

Ku ruhande rwa Ferwafa, bwana Nzamwita Vincent De Gaule yasabye imbabazi Abanyarwanda muri rusange ku bijyanye n’ibyabaye ku kibazo cya Daddy Birori aho yagize ati :“Igihe kirageze ngo dusabe imbabazi abanyarwanda ku byabaye imbere ya   Nyakubahwa Minisitiri  w’umuco na sport, kandi tumusezeranya ko  amanyanga nk’aya atazongera kubaho ukundi muri Football, tugiye kuyarandurana yose duhereye mu mizi kandi tuzabigeraho.”

Zimwe mu ngamba De Gaule yagaragaje ko bagiye gukoresha nka Ferwafa mu rwego rwo guhashya iki kibazo burundu harimo:

  • Gutegura abana b’abanyarwanda b’umwimerere
  • Gukorana n’ibigo by’amashuri (aho bazajya bazamura abana bakiri batoya cyane)
  • Kongera umubare w’abatoza  ndetse n’ubumenyi mu rwego rwo kugirango bakomeze gukora no gutoza abakinnyi bakiri batoya mu gihugu hose.
Tanga igitekerezo na Facebook

Tanga igitekerezo