Ferwafa ntiyitabiriye imihango yo gusinya imihigo na MINISPOC

Yanditswe na Admin ku wa 31.07.2015 saa 06:44 | Yasuwe : 1,194

Ishyirahamwe ry’umupira w’amaguru mu Rwanda (FERWAFA) ntiryitabiriye umuhango wo gusinya imihigo na MINISPOC yabaye kuri uyu wa kane

Ferwafa ibinyujije ku rubuga rwayo rwa interineti yatangaje ko ifite gahunda n’ubushake bwo gusinya imihigo na Ministeri y’Umuco na Siporo (MINISPOC) ndetse na Komite Olempike (RNOC), ariko iyi mihigo izasinywa imaze kwemezwa n’Inteko Rusange.

Perezida wa FERWAFA, Bwana Vincent Nzamwita yabwiye urubuga rwayo kuri uyu wa kane ko, “FERWAFA ishimira MINISPOC na RNOC kugitekerezo cyo guhiga bazaniye ama federasiyo.”

degaulle

Yagize ati : “FERWAFA ibiseguyeho kubona itashoboye kwitabira umuhango wo gusinya iyo mihigo uyu munsi nkuko andi ma federasiyo yabigenje kuko twe twumva twabanza tukayigeza ku banyamuryango bacu bakabanza bakemera kuyihiga biturutse hasi.Iyo nteko rusange ndetse n’itariki shampiyona y’umwaka wa 2015/16 biramenyekana kuri uyu wa gatanu mu nama ya Komiye Nyobozi ya FERWAFA izabera ku cyicaro cya FERWAFA I Remera kuva saa tatu za mugitondo.”

Ibiza kuva muri iyi nama ya Komite Nyobozi ya FERWAFA biraza kumenyeshwa abanyamakuru mu kiganiro giteganyijwe kuba kuri uyu wa Gatanu, tariki 31/07/2015 saa 15:00 muri salle y’inama ya FERWAFA.

Kuri uyu wa Kane, amwe mu ma federasiyo yasinye imihogo na Minispoc hamwe na Komite Olempike nkuko biteganyijwe muri politike ya siporo.

Tanga igitekerezo na Facebook

One thought on “Ferwafa ntiyitabiriye imihango yo gusinya imihigo na MINISPOC

  • 31/07/2015 at 10:14
    Permalink

    Imihigo yakorwa ryari se type adahari, ubu se ntiyabimenyeshejwe nk’abandi bose cg yitwaje ko yashyizweho n’abayobozi bakomeye.

    Reply

Tanga igitekerezo