Ese McKinstry ashobora kuzana Monnet Paquet mu Mavubi ?

Yanditswe na Admin ku wa 15.07.2015 saa 07:36 | Yasuwe : 1,230

Umutoza w’ikipe y’igihugu Amavubi Jonathan McKinstry aratangaza ko afite icyizere cy’uko abakinnyi bakina ku mugabane w’u Burayi ariko bakomoka mu Rwanda Kevin Monnet Paquet na Rushenguziminega Quentin bazakinira u Rwanda mu gushaka itike yo gukina igikombe cy’Afurika cy’ibihugu “CAN 2017.

Ubwo umutoza Jonathan McKinstry yari akubutse i Burayi mu mpera z’icyumweru gishize aho yakurikiranye umukino wa gicuti hagati ya Lusane Sport ya Rushenguziminega na St Etienne ikinamo Kevin Monnet Paquet ukarangira ari ibitego 2-2 yatangaje ko abo bakinnyi bombi bashobora kuzakinira Amavubi.

Aganira n’Imvaho Nshya yagize ati“Urugendo rwagenze neza. Nagerageje kuvugana nabo kandi tuzongera tuvugane mu minsi iri imbere. Ibyo twaganiriye ni ibintu by’ingenzi, ndizera ko bizakunda rwose (bakadukinira). Navuganye nabo mbere y’umukino na nyuma yawo, mbabwira mu buryo burambiye icyo tubakeneyeho, gusa sinabibizeza nk’ihame ariko hari icyizere.

???????????????????????????????????????????????McKinstry yashimangiye ko azongera akavugana n’abo bakinnyi kuri telefoni muri iki cyumweru ,abajijwe kubijyanye n’imyitwarire y’abo bakinnyi mu kibuga umutoza w’Amavubi yagize ati”Bose ni abakinnyi beza bakina ku rwego rwo hejuru. Biragoye kuvuga ngo uyu ni umukinnyi mwiza ushingiye kuri iyi mikino yo kwitegura shampiyona, ariko nanarebye amashusho y’imikino yabo ya shampiyona y’umwaka ushize, batwemereye baba ari abakinnyi beza bo kudufasha“.

Kevin Monnet Paquet afite imyaka 27 akaba akinira ikipe ya St Etienne mu cyiciro cya mbere mu Bufaransa, Nyina umubyara nI Umunyarwandakazi naho se ni Umufaransa.

quentin

Rushenguziminega Quentin ufite inkomoko mu Rwanda  aheruka gusinyira ikipe yo mu cyiciro cya kabiri mu Busuwisi ya Lausanne Sport nyuma yo gutsinda ibitego 23 mu mikino 21 muri Echallens FC muri icyi cyiciro.

Umutoza Jonathan McKinstry aramutse ashoboye kugeza Kevin Monnet Paquet na mugenzi we mu Mavubi yaba ari igikorwa gikomeye agezeho cyagirira akamaro ikipe y’igihugu idakunze kugira abakinnyi babigize umwuga cyane cyane abakina ku mugabane w’u Burayi.

Tanga igitekerezo na Facebook

Tanga igitekerezo